تراسينا للاعراس

تراسينا للاعراس شارع البحر الأعظم, القاهرة الجيزة
5 1
(نصيحة واحدة )
0 يعجبه
المعلومات الأساسية
الفئة قاعات احتفالات
المنطقة الجيزة
العنوان شارع البحر الأعظم
0

نصائح الناس اللي جرّبوا تراسينا للاعراس

إحكيلنا إذا جربته
  •   (فوق الخيال)
    قبل 3 أعوام

    اقرب اصدقاء ليا عملوا فرحهم شهر مارس اللى فات فى تراسينا, الحقيقة انا مكنتش اعرفه ولا سمعت عن المكان ده, بس فعلا انا لو هعمل فرحي هعمله هناك!, المكان يجنن كل حاجة حلوة بمعنى الكلمة, ناس كتير دلوقتى بتتجه لفكرة الاوبن اير اللى هو احسن 100 مرة من القاعات المقفولة, تراسينا مكان للافراح و الحفلات على النيل مباشرة.

    المكان عباره عن حديقة كبيرة جدا متقفلة كلها بسور ابيض جميل و بيزين السور ده ورد ابيض, الورد الابيض ده هتلاقية فى كل حتة و عن المدخل الشيك جدا بوابة كلها معمولة بالورد الابيض, ترابيزات حجمها كويس جدا و مفروشة فرش شيك ابيض فيه تل و الكراسي نفس الموضوع و متزينة بفيونكة علي كل كرسي, الكوشة عبارة عن كنبة لونها ابيض و شكلها حلو جدا ووراه حاجة شبه البوابة لونها ابيض برضه و الكنبة عليها مخدتين لونههم سيلفر جميل, فيه اوبشن بقى حلو جدا ان ممكن العروسة و العريس يوصلوا للمكان عن طريق مركب فى النيل بتوفروا ليهم تراسينا من المعادي يعدوا بيه الناحية التانية, بس اصحابى راحوا بعربية عادى, الخدمة هايلة و البوفيه بينزل لعندك سندوتشات كفتة و بانية و جاتوة سوارية و كوك و ده شيء بسيط و حلو بدل موضوع الاوبن البوفيه.

    الدى جيه زى اى فرح بس الصراحة كنا بنقوله غير الاغنيه و هات الاغنية الفلانية مكنش بيعترض و كان عامل اغاني مختلفة كتير, طبعا ممكن تعمل كتب الكتاب هناك المساحة تكفى تعمل اى حاجة لان المكان بيشيل لحد 500 فرد, ديكور المكان بجد يجنن و طبعا منسيوش يزينوا الحديقة من فوق هتلاقى حاجات الكور البيضا فى سيلفر وفيها شبه من النجف المودرن شوية متعلقة فى كل المكان و اضاءة المكان بليل تجنن و مناسبة للتصوير.

    السعر بقى الاوفر بتاعهم ان 100 فرد بحجز القاعة ب الاكل ب 11 الف, ممكن تدخل على صفحة تراسينا فيها كل المعلومات, طبعا بالنسبالى سعرها خرافى بدل الدارات اللى بتدفع فيها 30 و 40 الف و مكان اشيك بكتير.

    تراسينا اجمل مكان حضرت فيه فرح لحد دلوقتى تدخله كده وانت نفسيا مرتاح و مبسوط انك قاعد فيه مش مجرد فرح بتحضره

    اقرب اصدقاء ليا عملوا فرحهم شهر مارس اللى فات فى تراسينا, الحقيقة انا مكنتش اعرفه ولا سمعت عن المكان ده, بس فعلا انا لو هعمل فرحي هعمله هناك!, المكان يجنن كل حاجة حلوة بمعنى الكلمة, ناس كتير دلوقتى بتتجه لفكرة الاوبن اير اللى هو احسن 100 مرة من القاعات المقفولة, تراسينا مكان للافراح و الحفلات على النيل مباشرة. المكان عباره عن حديقة كبيرة جدا متقفلة كلها بسور ابيض جميل و بيزين السور ده ورد ابيض, الورد الابيض ده هتلاقية فى كل حتة و عن المدخل الشيك جدا بوابة كلها معمولة بالورد الابيض, ترابيزات حجمها كويس جدا و مفروشة فرش شيك ابيض فيه تل و الكراسي نفس الموضوع و متزينة بفيونكة علي كل كرسي, الكوشة عبارة عن كنبة لونها ابيض و شكلها حلو جدا ووراه حاجة شبه البوابة لونها ابيض برضه و الكنبة عليها مخدتين لونههم سيلفر جميل, فيه اوبشن بقى حلو جدا ان ممكن العروسة و العريس يوصلوا للمكان عن طريق مركب فى النيل بتوفروا ليهم تراسينا من المعادي يعدوا بيه الناحية التانية, بس اصحابى راحوا بعربية عادى, الخدمة هايلة و البوفيه بينزل لعندك سندوتشات كفتة و بانية و جاتوة سوارية و كوك و ده شيء بسيط و حلو بدل موضوع الاوبن البوفيه. الدى جيه زى اى فرح بس الصراحة كنا بنقوله غير الاغنيه و هات الاغنية الفلانية مكنش بيعترض و كان عامل اغاني مختلفة كتير, طبعا ممكن تعمل كتب الكتاب هناك المساحة تكفى تعمل اى حاجة لان المكان بيشيل لحد 500 فرد, ديكور المكان بجد يجنن و طبعا منسيوش يزينوا الحديقة من فوق هتلاقى حاجات الكور البيضا فى سيلفر وفيها شبه من النجف المودرن شوية متعلقة فى كل المكان و اضاءة المكان بليل تجنن و مناسبة للتصوير. السعر بقى الاوفر بتاعهم ان 100 فرد بحجز القاعة ب الاكل ب 11 الف, ممكن تدخل على صفحة تراسينا فيها كل المعلومات, طبعا بالنسبالى سعرها خرافى بدل الدارات اللى بتدفع فيها 30 و 40 الف و مكان اشيك بكتير. تراسينا اجمل مكان حضرت فيه فرح لحد دلوقتى تدخله كده وانت نفسيا مرتاح و مبسوط انك قاعد فيه مش مجرد فرح بتحضره

    تراسينا للاعراس

هل جربت هذا المكان؟

أكتب نصيحة
حمّل تطبيقات جيران على هاتفك المتنقل الان!