بستاويسى

بستاويسى 50 شارع محيي الدين أبو العز, القاهرة الدقي
4 24
(7 نصائح )
17 يعجبهم
المعلومات الأساسية
الفئة إيطالي ، مأكولات محلية
المنطقة الدقي
العنوان 50 شارع محيي الدين أبو العز
رقم الهاتف ...88547 شاهد الرقم +20 2 33388547
ساعات العمل
مغلق الان
فاتح الان
الاحد : من 10:00 صباحاً إلى 01:00 صباحاً
الاثنين : من 10:00 صباحاً إلى 01:00 صباحاً
الثلاثاء : من 10:00 صباحاً إلى 01:00 صباحاً
الاربعاء : من 10:00 صباحاً إلى 01:00 صباحاً
الخميس : من 10:00 صباحاً إلى 01:00 صباحاً
الجمعة : من 10:00 صباحاً إلى 01:00 صباحاً
السبت : من 10:00 صباحاً إلى 01:00 صباحاً
0

نصائح الناس اللي جرّبوا بستاويسى

إحكيلنا إذا جربته
  •   (فوق الخيال)
    قبل 4 أعوام

    بسطاويسى من الاكتشافات العبقرية بالنسبالى اللى اكتشفتها بالصدفة و انا بدور فى مطاعم الاكل فى شارع محى الدين ابو العز ..

    بجد مكان رغم انه صغير نسبيا فى حجم المطعم الا انك تتفاجىء بجودة الاكل عنده و حلاوته ..

    بسطاويسى بيقدم تشكيلة كبيرة من المكرونات بالصوص الاحمر او الابيض بس ممتازة سواء الصوث الاحمر او الابيض ..

    الباستا الفراخ او باستا السجق او باستا كفتة داود باشا تحفة فعلا و اسعارهم فى رينچ ال ٣٠ ل ٣٥ و الكمية كبيرة جدا فعلا ..

    غير كمان الحلو عندهم لقمة البوريو و لقمة السنيكرز مينفعش تروح هناك و متاكلش حاجة منهم فعلا ..

    بسطاويسى من الاكتشافات العبقرية بالنسبالى اللى اكتشفتها بالصدفة و انا بدور فى مطاعم الاكل فى شارع محى الدين ابو العز .. بجد مكان رغم انه صغير نسبيا فى حجم المطعم الا انك تتفاجىء بجودة الاكل عنده و حلاوته .. بسطاويسى بيقدم تشكيلة كبيرة من المكرونات بالصوص الاحمر او الابيض بس ممتازة سواء الصوث الاحمر او الابيض .. الباستا الفراخ او باستا السجق او باستا كفتة داود باشا تحفة فعلا و اسعارهم فى رينچ ال ٣٠ ل ٣٥ و الكمية كبيرة جدا فعلا .. غير كمان الحلو عندهم لقمة البوريو و لقمة السنيكرز مينفعش تروح هناك و متاكلش حاجة منهم فعلا ..

    بستاويسى

  •   (جيد جداً)
    قبل 4 أعوام

    روحته فى رمضان فرع محى الدين ,, بالنسبة للأكل فى رمضان الطبيعى انه يكون مش حلو , بس ال Quality كانت فوق الفظيعة و الكمية حلوة جدا و أخدت الباقى و أنا مروحة :"D

    بس الأماكن محتاجة تكتر شوية و الأكل ييجى أسرع احنا فطرنا بعد الأذان ب ساعة إلا ربع ..

    غير كدة المكان حلو جداً جداً..

    روحته فى رمضان فرع محى الدين ,, بالنسبة للأكل فى رمضان الطبيعى انه يكون مش حلو , بس ال Quality كانت فوق الفظيعة و الكمية حلوة جدا و أخدت الباقى و أنا مروحة :"D بس الأماكن محتاجة تكتر شوية و الأكل ييجى أسرع احنا فطرنا بعد الأذان ب ساعة إلا ربع .. غير كدة المكان حلو جداً جداً..

    بستاويسى

    • ahmad28
      ahmad alweshah قبل 4 أعوام

      حلو اوي اكلتي ايه ؟

  • Ali.1
      (فوق الخيال)
    قبل 4 أعوام

    - باستاويسي مكان مجرد ما تدخله تحس براحه بالرغم من انه المكان صغير بس تبقي مبسوط وانت هناك وال Staff محترمين ومتعاونين جداً.

    لما تاكل هناك البهجة بتسيطر عليك وبتكون مبسوط. الأكل حلو جداً والأسعار مناسبة. بدون مُبالغة نقدر نقول ان بستاويسي من أحسن الأماكن في مصر اللي بتقدم باستا صح.

    المنيو متنوع ومهما كان ذوقك في الأكل هتلاقي طلبك. والميزة كمان ان المنيو مليان ومش حاطين أصناف وأنواع يملوا بيها المنيو وخلاص. "حاول دايماً وانت بتطلب تسيب مكان للحلو عشان ميفوتكش :)"

    فرحت لما عرفت بالفرع التالت وانهم قربوا المسافة لحبايبهم من مصرالجديدة وشيراتون ومدينة نصر. الإنتشار أصبح أمر ضروري.

    - أوعدك هتروح بستاويسي مره هتبقي مستني هتروحه تاني امتي ;)

    شكراً بستاويسي مدلع كروشنا ومفرحنا :))

    - باستاويسي مكان مجرد ما تدخله تحس براحه بالرغم من انه المكان صغير بس تبقي مبسوط وانت هناك وال Staff محترمين ومتعاونين جداً. لما تاكل هناك البهجة بتسيطر عليك وبتكون مبسوط. الأكل حلو جداً والأسعار مناسبة. بدون مُبالغة نقدر نقول ان بستاويسي من أحسن الأماكن في مصر اللي بتقدم باستا صح. المنيو متنوع ومهما كان ذوقك في الأكل هتلاقي طلبك. والميزة كمان ان المنيو مليان ومش حاطين أصناف وأنواع يملوا بيها المنيو وخلاص. "حاول دايماً وانت بتطلب تسيب مكان للحلو عشان ميفوتكش :)" فرحت لما عرفت بالفرع التالت وانهم قربوا المسافة لحبايبهم من مصرالجديدة وشيراتون ومدينة نصر. الإنتشار أصبح أمر ضروري. - أوعدك هتروح بستاويسي مره هتبقي مستني هتروحه تاني امتي ;) شكراً بستاويسي مدلع كروشنا ومفرحنا :))

    بستاويسى

    • Mira50
      Mira N قبل 4 أعوام

      خلاص حجربه بعد الرفيو ده :) بس تنصح باي باستا و اي نوع حلو؟

  •   (سيء جداً جداً)
    قبل 4 أعوام

    الاكل ممتاز لكن تيك اواي فقط ، والاسعار تمام لأن:

    المطعم ضيق جدا مياخدش 10 اشخاص على بعض صالته متجيش 4 * 2 متر

    التكييف سيء للغاية بيجيب رطوبة وخلاص

    الويتر كلهم مش بروفشنال ، وبيقعدوا ينادوا على بعض بصوت عالي ويشرشحوا لبعض عادي

    بجد مش بروفشنال خالص في اي حاجة في المطعم غير الشيف

    الشيف شاطر شوية طعم الاكل حلو

    بس انا رايي اهم من الاكل بردو المود ياجماعة ، الجو كان حر لدرجة لا توصف

    الاكل ممتاز لكن تيك اواي فقط ، والاسعار تمام لأن: المطعم ضيق جدا مياخدش 10 اشخاص على بعض صالته متجيش 4 * 2 متر التكييف سيء للغاية بيجيب رطوبة وخلاص الويتر كلهم مش بروفشنال ، وبيقعدوا ينادوا على بعض بصوت عالي ويشرشحوا لبعض عادي بجد مش بروفشنال خالص في اي حاجة في المطعم غير الشيف الشيف شاطر شوية طعم الاكل حلو بس انا رايي اهم من الاكل بردو المود ياجماعة ، الجو كان حر لدرجة لا توصف

    بستاويسى

    • Mira50
      Mira N قبل 4 أعوام

      صح معك حق اكيد.. طلبت ايه من عنده؟

  •   (جيد)
    قبل 4 أعوام

    انا جربت بسطاويسى كذا مرة

    بجد ده اكتر مكان بحب اكل فيه

    لازم تجربوه نصيحة

    انا جربت بسطاويسى كذا مرة بجد ده اكتر مكان بحب اكل فيه لازم تجربوه نصيحة

    بستاويسى

    • Mira50
      Mira N قبل 4 أعوام

      تنصحنا نجرب ايه؟

  •   (جيد جداً)
    قبل 4 أعوام

    انا روحت باستاويسى مرة واحدة من اسبوعين, وبانام واصحى عايزة ارجع تانى!!

    اول ما دخلت استغربت من حجم المطعم الصغير اللى فيه 3 ترابيزات بس!!

    بس عجبنى ديكور المكان الاحمر وتصميم اللوجو ووضعه فى مكان ظاهر,, وتصميم الاضاءة على شكل طاسات, وذكاء تصميم المكان واستغلال كل جزء فيه,, بس لما بتقعد ع الترابيزة بتنسى كل ده ,, وبتستعد للمغامرة.

    وطلبنا مكرونة بالوايت صوص والفراخ (37جنيه), ومكرونة الريد صوص بالفراخ (27 جنيه).

    الاوردر اتأخر حوالى تلت او نص ساعة عشان الزحمة.

    الاوردر اتبدل والمكرونة نزلتلنا بالمشروم مش بالفراخ (الاوردر اتبدل مع الترابيزة اللى جنبنا) بس بغذ النظر اننا اصلا مطلبنهاش بالمشروم بس كانت حلوة قوى,, والصوص بتاعها غنى والطاسة كبيرة وتكفى شخصين.

    مكرونة الريد صوص معجبنيش.

    الاسبوع ده لازم اكل مكرونة وايت صوص من باستاويسى تانى.

    انا روحت باستاويسى مرة واحدة من اسبوعين, وبانام واصحى عايزة ارجع تانى!! اول ما دخلت استغربت من حجم المطعم الصغير اللى فيه 3 ترابيزات بس!! بس عجبنى ديكور المكان الاحمر وتصميم اللوجو ووضعه فى مكان ظاهر,, وتصميم الاضاءة على شكل طاسات, وذكاء تصميم المكان واستغلال كل جزء فيه,, بس لما بتقعد ع الترابيزة بتنسى كل ده ,, وبتستعد للمغامرة. وطلبنا مكرونة بالوايت صوص والفراخ (37جنيه), ومكرونة الريد صوص بالفراخ (27 جنيه). الاوردر اتأخر حوالى تلت او نص ساعة عشان الزحمة. الاوردر اتبدل والمكرونة نزلتلنا بالمشروم مش بالفراخ (الاوردر اتبدل مع الترابيزة اللى جنبنا) بس بغذ النظر اننا اصلا مطلبنهاش بالمشروم بس كانت حلوة قوى,, والصوص بتاعها غنى والطاسة كبيرة وتكفى شخصين. مكرونة الريد صوص معجبنيش. الاسبوع ده لازم اكل مكرونة وايت صوص من باستاويسى تانى.

    بستاويسى

  •   (فوق الخيال)
    قبل 4 أعوام

    أولا لازم نتفق ان مش أى حد بيعمل مكرونة عشان كدا بسطويسي التطور الطبيعي للمكرونة اللي بجد في الدقي

    المكرونة اللي الواحد بـ يشوفها في الإعلانات والأفلام حاجة، واللي بـ يشوفها في الواقع حاجة ثانية خالص، دائمًا المكرونة في أذهان كثير مننا لها شكل وطعم معين يمكن عمرنا ما مرينا به، لو الطعم حلو يبقى الشكل وحش، والعكس صحيح، لحد ما كثير مننا كرهوا المكرونة أصلاً لأنها ارتبطت عندهم بوجع البطن، لكن "باستاويسي - Pastaweesy" حل لنا كل العقد دي وخلانا نطمئن أننا لما نحب نأكل مكرونة بجد نروح له من غير تفكير.

    باستاويسي كان فاتح قبل كده في شارع الملك فيصل، وكان مختلف تمامًا عن دلوقت، كان محل زي أي محل ثاني بـ يحاول يتخصص في تقديم المكرونة، وكان بـ يقدم معاها حاجات ثانية زي الأرز وغيره، لكن زي ما كل حاجة بـ تتطور، "باستاويسي" كمان تطور، وبصورة ملفتة فعلاً، ما بقاش مجرد محل أطعمة سريعة مركز على السعر القليل كأقصى ميزة عنده، لكنه بقى مركز على الطعم والشكل وده خلى السعر يرتفع حبتين.

    لما كتبنا عن باستاويسي في مكانه القديم قبل كده قولنا أن المحل ده حل مناسب جدًا للناس اللي قريبة من شارع الملك فيصل ونفسهم يأكلوا حاجة تسد جوعهم وسعرها حنين، لكن دلوقت وصف المحل اختلف بكل تأكيد.

    خلينا نبدأ من الشكل، شعار المحل تغير، صحيح احتفظوا بـ "اللوجو" لكن الشعار القديم "مكرونة وحاجات زي كده" ما بقاش موجود، المكان بقى أرقى، حتى اللوجو بقى أبسط، مجرد شنب على خلفية حمراء.. بس كده.

    ندخل بقى في الجد، لما تروح عند باستاويسي هـ تكتشف أن المساحة المخصصة لتناول الطعام صغيرة جدًا بالكاد ثلاث ترابيزات، يعني لو المحل زحمة شوية مش هـ تلاقي مكان تقعد، لكن بصراحة الأكل يستاهل الانتظار لو مافيش مكان.

    المنيو مش ضخم، القائمين على المحل أذكياء لأنهم حصروا نفسهم في مجموعة أكلات بعينها، أبدعوا فيها وبـ يقدموها بشكل مميز، إحنا جربنا مكرونة بالسجق والصلصة الحمراء (29 جنيه) قد إيه كانت جميلة، كل حاجة مضبوطة ولطيفة، السجق مستوي، والصلصة طعمة والمكرونة جيدة جدًا لا مهرية ولا ناشفة، جربنا كمان المكرونة باللحمة المفرومة "البولونيز"، بصراحة كانت جميلة، كمان كان فيه أطباق ثانية حولنا شكلها شهي فعلاً زي المكرونة بالبسطرمة والصوص الأبيض (36 جنيه)، باستاويسي كمان بـ يقدم ساندويتشات للي عاوزين تغيير ملفوفة في عيش سوري، ودي كثير سواء فلافل (6 جنيه)، أو بطاطس محمرة (7 جنيه)، أو أومليت جبنة (9 جنيه)، لكن أكثر حاجة عجبنا شكلها فعلاً كانت الهوت دوج المكسيكي (15 جنيه) وقررنا نجربه في المرة اللي بعدها مع المكرونة بالصوص الأبيض.

    الشيء الغريب بقى أن المكرونة جاءت لنا في "كسرولة" طاسة غويطة صغيرة! وكمية المكرونة كانت كبيرة فعلاً، تكفي شخصين مش شخص واحد، ولفت نظرنا أن المنيو كمان بـ يراعي الناس اللي عاملة ريجيم وعاوزين يأكلوا حاجة مش دسمة، لذلك كان من بين الاختيارات سلاطة تونة (23 جنيه)، وسلاطة فراخ مشوية (25 جنيه).

    عايز اوضح انهم عندهم customer service محترمة , انا طلبت منهم طلب قبل كدا وكان مش سخن وكان عندى امتحانات استنونى لغايه ما خلت وجابوا أفضل منه بكتير + حلويات حلوة جدا , بجد المكان رائع

    أولا لازم نتفق ان مش أى حد بيعمل مكرونة عشان كدا بسطويسي التطور الطبيعي للمكرونة اللي بجد في الدقي المكرونة اللي الواحد بـ يشوفها في الإعلانات والأفلام حاجة، واللي بـ يشوفها في الواقع حاجة ثانية خالص، دائمًا المكرونة في أذهان كثير مننا لها شكل وطعم معين يمكن عمرنا ما مرينا به، لو الطعم حلو يبقى الشكل وحش، والعكس صحيح، لحد ما كثير مننا كرهوا المكرونة أصلاً لأنها ارتبطت عندهم بوجع البطن، لكن "باستاويسي - Pastaweesy" حل لنا كل العقد دي وخلانا نطمئن أننا لما نحب نأكل مكرونة بجد نروح له من غير تفكير. باستاويسي كان فاتح قبل كده في شارع الملك فيصل، وكان مختلف تمامًا عن دلوقت، كان محل زي أي محل ثاني بـ يحاول يتخصص في تقديم المكرونة، وكان بـ يقدم معاها حاجات ثانية زي الأرز وغيره، لكن زي ما كل حاجة بـ تتطور، "باستاويسي" كمان تطور، وبصورة ملفتة فعلاً، ما بقاش مجرد محل أطعمة سريعة مركز على السعر القليل كأقصى ميزة عنده، لكنه بقى مركز على الطعم والشكل وده خلى السعر يرتفع حبتين. لما كتبنا عن باستاويسي في مكانه القديم قبل كده قولنا أن المحل ده حل مناسب جدًا للناس اللي قريبة من شارع الملك فيصل ونفسهم يأكلوا حاجة تسد جوعهم وسعرها حنين، لكن دلوقت وصف المحل اختلف بكل تأكيد. خلينا نبدأ من الشكل، شعار المحل تغير، صحيح احتفظوا بـ "اللوجو" لكن الشعار القديم "مكرونة وحاجات زي كده" ما بقاش موجود، المكان بقى أرقى، حتى اللوجو بقى أبسط، مجرد شنب على خلفية حمراء.. بس كده. ندخل بقى في الجد، لما تروح عند باستاويسي هـ تكتشف أن المساحة المخصصة لتناول الطعام صغيرة جدًا بالكاد ثلاث ترابيزات، يعني لو المحل زحمة شوية مش هـ تلاقي مكان تقعد، لكن بصراحة الأكل يستاهل الانتظار لو مافيش مكان. المنيو مش ضخم، القائمين على المحل أذكياء لأنهم حصروا نفسهم في مجموعة أكلات بعينها، أبدعوا فيها وبـ يقدموها بشكل مميز، إحنا جربنا مكرونة بالسجق والصلصة الحمراء (29 جنيه) قد إيه كانت جميلة، كل حاجة مضبوطة ولطيفة، السجق مستوي، والصلصة طعمة والمكرونة جيدة جدًا لا مهرية ولا ناشفة، جربنا كمان المكرونة باللحمة المفرومة "البولونيز"، بصراحة كانت جميلة، كمان كان فيه أطباق ثانية حولنا شكلها شهي فعلاً زي المكرونة بالبسطرمة والصوص الأبيض (36 جنيه)، باستاويسي كمان بـ يقدم ساندويتشات للي عاوزين تغيير ملفوفة في عيش سوري، ودي كثير سواء فلافل (6 جنيه)، أو بطاطس محمرة (7 جنيه)، أو أومليت جبنة (9 جنيه)، لكن أكثر حاجة عجبنا شكلها فعلاً كانت الهوت دوج المكسيكي (15 جنيه) وقررنا نجربه في المرة اللي بعدها مع المكرونة بالصوص الأبيض. الشيء الغريب بقى أن المكرونة جاءت لنا في "كسرولة" طاسة غويطة صغيرة! وكمية المكرونة كانت كبيرة فعلاً، تكفي شخصين مش شخص واحد، ولفت نظرنا أن المنيو كمان بـ يراعي الناس اللي عاملة ريجيم وعاوزين يأكلوا حاجة مش دسمة، لذلك كان من بين الاختيارات سلاطة تونة (23 جنيه)، وسلاطة فراخ مشوية (25 جنيه). عايز اوضح انهم عندهم customer service محترمة , انا طلبت منهم طلب قبل كدا وكان مش سخن وكان عندى امتحانات استنونى لغايه ما خلت وجابوا أفضل منه بكتير + حلويات حلوة جدا , بجد المكان رائع

    بستاويسى

هل جربت هذا المكان؟

أكتب نصيحة
حمّل تطبيقات جيران على هاتفك المتنقل الان!