Mohamed Magdy Zinhom

Mohamed Magdy Zinhom

Cairo . Since September 2015
I am Mohamed Magdy .. Telecommunications engineer .. mad about reading and outing
100 Reviews
Reviewed first
85
Added reviews
100
Added photos
6

My reviews

  • Review by Mohamed of Shawerma El Reem
    5 years ago
    شاورما الريم من محلات الشاورما الاردنى و ده فى ذاته مختلف عشان اغلب مخلات الشاورما بتكون سورى .. ليهم فروع كتير و بيقظموا شاورما حلوة جظا و الفتة عندهم حلوة برضه جدا .. البطاطس مش حلوة او عندهم و اسعارهم بدأت تغلى شوية فى الفترة اللى فاتت ..
  • Review by Mohamed of City Drink
    5 years ago
    لو انت من مجانين العصاير و الكوكتيلات يبقى اكيد يا جربت يا لازم تجرب سيتى درينك .. منيو كبييييرة جدا للعصاير و الكوكتيلات تتوه جواها فعلا .. العصاير بتاعتهم فريش و بتتجهز قدام عينيك و اسعارها عادية جدا ..
  • Review by Mohamed of Planet Africa
    5 years ago
    بلانت افريكا من اكتر الاماكن اللى بحب ديكوراتها فعلا لان ديكور المكان كله معمول على شكل غابات افريقيا و فيه تماثيل حيوانات حتى اضاءة المكان بتوحى يوجودك الى حد ما فى غابة مش مطعم .. اكلهم حلو جدا فعلا سواء اللحوم او الفراخ و مقبلاتهم ممتازة و اسعارهم عادية نسبيا .
  • Review by Mohamed of Vodafone
    5 years ago
    فرع فودافون سيتى ستارز من انضف فروع فودافون و اكثرهم احتراما من حيث موظفى خدمة العملاء و الدعم الفنى .. الفرع واسع جدا مقارنة بفروع فودافون الاخرى لكن ده برضه من اكثر الفروع الموجودة زحمة فعلا و ظه عيب الفرع الوحيد بالنسبالى
  • Review by Mohamed of Sony
    5 years ago
    ده الستور الرسمى لموبايلات سونى الغنية عن التعريف .. طبعا من اهم مميزات المكان هو وجود كل موديلات موبايلات سونى بسعر السوق الرسمى و كل الاكسسورات موبايلاتهم بتكون متوفرة لانهم التوكيل الرسمى للموبايل ..
  • Review by Mohamed of Citizen
    5 years ago
    من اغلى الاماكن اللى بتبيع ساعات بس ده نظرا لشهرة الماركة بتاعتهم فى اى مكان فى العالم ساعات سيتيزن مشهورة جدا جدا .. جودة ساعتهم مفيهاش نقاش طبعا و تصميماتهم انيقة و عصرية مفيش اى خلاف عليها ... كمان الستورز بتاعتهم نضيفة و محترمة على قدر التوكيل بتاعها ..
  • Review by Mohamed of 2B
    5 years ago
    سترو كبير لبيع الالكترونيات موجود فى الدور الارضى لسيتى ستارز .. عندهم تابلت و موبايلات و لابتوبات و شواحن و سماعات و جميع المستلزمات للاجهزة الالكترونية .. اسعار الاجهزة الالكترونية هيا نفس اسعار السوق برة لكن اسعار الاكسسورات غالى جدا جدا عندهم ..
  • Review by Mohamed of Seif Pharmacies
    5 years ago
    صيدليات سيف من اشهر سلاسل الصيدليات الموجودة حاليا .. عندهم كل انواع الادوية و مستحضرات التجميل و غيرهم و غيرهم من المنتجات اللى بتخص الصحة و الجمال .. كمان عندهم ستاف دكاترة عشان لو فى استشارات طبية عند الحاجة ..
  • Review by Mohamed of Tradeline
    5 years ago
    تريد لاين غنى عنط التعريف لانه المستو و الستور الوحيد الرسنى لبيع منتجات شركة ابل .. عندهم كل منتحات ابل من ايفون و ايبود و ماك بوك و كل المنتجات فعلا .. كمان ليهم اكتر من فرع حول القاهرة و فى كذا مول ..
  • Review by Mohamed of Chili's
    5 years ago
    تشيليز من المطاعم الضعيفة فعلا بالنسبالى فى اغلب اكلهم .. مرة كلبت صنف مكرونة ب 50 حنيه كان عليه فراخ لما طلبت انهم يشيلو الفراخ و يكون مكرونة بس جالى الشيك ب 60 جنيه سبحان الله .. غير ان اكلهم كان ردىء فعلا ..
  • Review by Mohamed of Steak Out
    5 years ago
    ستيك اوت مطعم تحفة من حيث المكان و النضافة و الاكل رغم ان سعره غالى شوية يعنى انا كفرد لما بتغدى هناك اى صنف فيه لحوم حسابى مبيقلذ عن ١٥٠ جنيه فعلا .. لحم ال veal عندهم حلو جدا لما بيكون ويل دن و شوربة الكريمة ممتازة .. الخدمة هناك كويسة كمان ..
  • Review by Mohamed of CompuMe
    5 years ago
    انا علاقتى ب كمبيو مى هيا اللاب توبات بس عمرى ما جربت اشترى حاجة من عندهم غيرها .. هو المكان فيه اغلب انواع اللاب توبات الموجودة فى السوق و اسعارهم نفس اسعار السوق بس الميزة فى التنوع الموجود اللى بيساعد اننا نختار اللى يناسبنا ..
  • Review by Mohamed of Akher El Ankoud
    5 years ago
    اخر العنقود المفروض انه محل بيبيع اى حاجة من زمان ب اتنين جنيه و نص بعد كده اتغير بقى يبيع اكسسورات و بضايع متنوعة بس اسعارها بقى غالى .. كمان عندهم فروع فى اغلب مولات القاهرة الكبرى .. فى المجمل هما سلسلة محلات مبشوفش فيها بضايع مفيدة اوى ليا ..
  • Review by Mohamed of cerotti cafe
    5 years ago
    شيروتى من احسن الكافيهات اللى فيها شيش بالنسبالى .. كمان عصير البلو اوشن عندهم تحفة فعلا هو عبارة عن اناناس و صودا بس فوار و عبقرى .. و المكان الناس اللى فيه كمان محترمين و ودودين جدا فى التعامل ..
  • Review by Mohamed of Gold’s Gym
    5 years ago
    جولدز جيم من اكبر الجيمات فى مصر و انضفهم و اغلاهم برضه .. جولدز ليه فروع كتير جدا فى القاهرة و كمان بيكون ليك ترينر شخصى هناك و دعوات مجانية لاصحابك .. فروع جولدز مش كلها سعر واحد للاشتراك السنوى بيختلف السعر حسب مكان الفرع ..
  • Review by Mohamed of Midan El Sham
    5 years ago
    شاورمة ميدان الشام دى تحفة و الساندوتش كبير مقارنة بسعره فعلا .. المحل ملوش فروع غير فرع اكتوبر و ده عيب لازم تروح اكتوبر او تكون فى منطقة محيطة عشان تطلب منه .. البطاطس لما جربتها من عنده كانت باردة شوية ..
  • Review by Mohamed of El Aqsa El Sherif Restaurant
    5 years ago
    الاقصى ده محل كبابجى ممتاز فى اكتوبر .. طاجن مسقعة باللحمة المفرومة و الكفتة الضانى عنده تاكل صوابعك وراهم .. اسعاره هيا هيا نفس اسعار كل مخلات الكباب تقريبا او اغلى حاجة بسيطة ..
  • Review by Mohamed of Oasis Cafe
    5 years ago
    الواحة هى قهوة حلوة جدا و موقعها ممتاز وسط الخضرة .. المشاريب عندهم حلوة و طازة لو هى عصاير .. الشيش مظبوطة و عندهم تشكيلة للمعسل متوسطة .. كمان اسعارهم عادية جدا جدا ..
  • Review by Mohamed of Sbarro
    5 years ago
    سبارو محل فكرته كانت جديدة عليا زمان اوى اول ما جربته و هو انهم يبيعوا بيتزا بالشريحة .. البيتزا عندهم فيها انواع حلوة جدا زي بيتزا اللحمة و فى بيتزات تانية مش حلوة زى الفراخ. . كمان بيعملوا بيتزا الحشو بتاعها داخلى فقط ..
  • Review by Mohamed of Misr University For Science & Technology Hospital
    5 years ago
    جامعة مصر للعلوم و التكنولوجيا من المؤسسات التعليمية المحترمة فى القاهرة .. مكان المعهد جنب مستشفى دار الفؤاد بالظبط و ده موقع متميز و مساحتها كويسة جدا .. و عن تجربة كلية الهندسة عندهم مستواها جيد و سعرها حوالة ١٢٠٠٠ فى السنة
  • Review by Mohamed of Spinneys
    5 years ago
    سوبر ماركت كبير جدا يعنى سبينس .. مكانه جوا مول العرب لكن مساحته كبيرة جدا و عنده بضايع من الابرة للصاروخ من منتجات غذائية و ملابس و الكترونيات .. كمان اسعاره بتكون اغلب الاحيان ارخص من اماكن كتيرة ..
  • Review by Mohamed of Mall of Arabia Cairo
    5 years ago
    مول العرب من اكبر المولات فى القاهرة رغم انه دور واحد لكن معمول على مساحة كبيرة جدا جدا .. المول جواه كل التوكيلات اللى ممكن تتخيلها كمان فيه مطاعم كتير و كافيهات فى الفود كورت و على النافورة .. كمان المول فيه نافورة راقصة بتعمل عروض ببلاش لزوار المول يوميا .. غير مساحة باركينج ماهولة ..
  • Review by Mohamed of Caffe Pascucci
    5 years ago
    جربت عندهم الوافل و كام نوع عصير كان الوافل حلو جدا و طرى و الاضافة للويبد كريم عليه كانت تحفة .. كمان عصايرهم فريش و طازة و اسعارهم معقولة و القعدة عندهم حلوة ..
  • Review by Mohamed of Cold Stone Creamery
    5 years ago
    كولد ستون من الاماكن النضيفة اللى بتعمل ايس كريم و نضيف جدا .. كمان الناس اللى بتقدم الايس كريم فى المكان بتفضل تعمل شو ببولات الايس كريم .. عيب المكان الوحيد الايس كريم غالى تقريبا البولتين يعملوا حوالى 35 جنيه
  • Review by Mohamed of Yoggy's
    5 years ago
    جربت عنده زبادى مجمد بس معجبتنيش الغكرة نهائى .. طعمه كان غريب شوية و فكرة تجميد الزبادى دى محستهاش فكرة ظريفة كمان سعره كان غالى شوية ..
Next

Photos I added

BBQ burger
pasta oven
burger