Shaimaa Oraby

Shaimaa Oraby

Cairo . Since April 2015
130 Reviews
Added places
337
Benefited people
4
Reviewed first
119
Added reviews
130
Added photos
204
Liked places
321

My reviews

  • Review by Shaimaa of Gad Restaurants
    5 years ago
    امبارح زورنا جاد فرع الأزهر, الأطباق كلها كانت جيدة واسعارها جيدة جدا, طلبنا شيش طاووق وشاورمة ومكرونة نجرسكو وكفتة وشوربة لسان عصفور ودفعنا 170 جنيه بس للاسف فى حاجات كتير ضايقتنا, زى ان المكان وكئيب وقديم وحيطانه بايظة من الرطوبة, والويتر كان قرفان مش فاهمة من ايه! متروحوش جاد إلا لو عايزين أكل باسعار أقل
  • Review by Shaimaa of Sultana Ice Cream
    5 years ago
    النهاردة كنت فى الكوربة وفجأة خطر ع بالى الايس كريم, ولقيت قدامى سلطانة ايس كريم قولت اجربه, لقيت عندهم نكهات كتير مختلفة وشكلها يجوع, انا اخترت زبادى بالتوت وفانيليا أوريو, كان طعمه لذيذ قوى ودسم مقارنة بمحلات الايس كريم التانية, استمتعت جدا بالايس كريم عندهم ودفعت بس 20 جنيه!
  • Review by Shaimaa of Papiona Studio
    5 years ago
    النهاردة كانت اول زيارة ليا لاستوديو بيبيونة,, المكان صغير بس بسيط ومريح جدا, وبينظم ورش فنية كتير منها المسرح والتصوير الفوتوغرافى وورش الرقص المعاصر والتانجو وغيرها,, وورش فنية للاطفال, وبينظم العديد من الفعاليات الفنية. احنا نظمنا عرض افلام عندهم, وقالولى انهم بصدد تنظيم عروض افلام بشكل منتظم . برغم صغر المكان إلا انهم متعاونين جدا, لو عايز تشترك فى اى ورشة فنية, زور استوديو بيبيونة واعرف اكتر عن الورش والفعاليات الفنية هناك.
  • Review by Shaimaa of El Tamimi
    5 years ago
    مكان موثوق لشراء الموبايلات, اغلب الماركات والموديلات موجودة عندهم, وبأسعار أقل من باقى الستورز.
  • Review by Shaimaa of RadioShack
    5 years ago
    سلسلة محلات لبيع الالكترونيات, خدمة عملاء محترفة, الاسعار تقريبا نفس اسعار السوق او اعلى بنسبة بسيطة. بس الميزة الاهم ان المكان فيه اغلب ماركات الالكترونيات وده بيديك فرصة اختيار اكبر, بالاضافة ان المكان منتجاته أصلية وثقة.
  • Review by Shaimaa of Grand Kunafa
    5 years ago
    جراند كنافة ده اكتشاااف, المكان ده بيعمل كنافة ع الفحم بالجبنة تجنن, طعمها صعب وصفه من جماله, وسعرها 20 جنيه للحجم الصغير والوسط ب55 , والحجم العائلى ب80 جنيه ومع اضافة العسل ب100 جنيه . كنافة وهمية لازم تجربوها
  • Review by Shaimaa of Baba Shobra
    5 years ago
    مطعم متخصص فى المكرونة وبس,, المنيو فيها انواع مختلفة من المكرونة الريد صوص والوايت صوص والمكرونة الفرن بمكونات مختلفة. الاسعار مناسبة والمكرونة جيدة جدا. لو انت فى محيط بابا شبرا يبقى لازم تجربه هيعجبك المكرونة هناك.
  • Review by Shaimaa of Science Exploration Center
    5 years ago
    فاكرين التجارب العلمية اللى كنا بندرسها فى المدارس, وعرفنا تفسيرها نظريا, بس عمرنا ما شوفنا كتير منها عملى. انا كنت محظوظة انى زرت المركز العلمى الاستكشافى وانا بادرس فيزياء وطبقت بنفسى كتير من التجارب زى تجارب الجاذبية وغيرها. كمان موجود فى المركز مكان يسمى القبة السماوية, وهى قاعة يوجد بسقفها قبة تحاكى السماء ليلا بمجموعات نجومها المختلفة. كانت زيارة لا تنسى واتعلمت واستمتعت وعمرى ما نسيت التجارب دى ونظرياتها وتفسيراتها لحد دلوقتى. زوروا المركز الاستكشافى مع اولادكم واستغلوا الاجازة.
  • Review by Shaimaa of Egyptian Museum of Antiquities
    5 years ago
    المتحف المصرى من اهم المتاحف فى مصر,, بيضم عدد كبير من اثار عصور ما قبل التاريخ والاسرة الاولى والثانية والدولة القديمة والوسطى والحديثة , واثار العصور المتأخرة,, كما يوجد بالمتحف غرفة المومياوات. المتحف مهم زيارته للمصريين والاجانب للتعرف على الحضارة المصرية.
  • Review by Shaimaa of Suzana
    5 years ago
    سوزانا محل ملابس للمحجبات, خامات عالية الجودة وباسعار متوسطة, موديلاتهم شيك ومناسبة اكتر للبنات فوق ال25 .
  • Review by Shaimaa of IKEA
    5 years ago
    لو بتفرش بيتك يبقى لازم تزور ايكيا عشان هناك هتلاقى كل الاثاث والفرش والاكسسوارات اللى بتحلم بيها, انا كمان لما باروح باطلع بافكار ديكور ممكن انفذها بنفسى,, جودة المنتجات عالية بس فى المقابل الاسعار هناك غالية.
  • Review by Shaimaa of Kian Furniture
    5 years ago
    كيان مكان لبيع الاثاث ومستلزمات منزلية كتير, بس اجمل حاجات هناك الكاسات واطقم الشاى والقهوة, الوان وتصميمات فريدة وشيك , الاسعار غالية شوية بس الجودة عالية
  • Review by Shaimaa of City Style
    5 years ago
    سيتى ستايل محل لبيع منتجات العناية الشخصية, والالكترونيات, وبعض الاجهزة الكهربائية بأسعار منافسة وجودة عالية.
  • Review by Shaimaa of Takbir
    5 years ago
    تكبير محل ملابس للمحجبات, من اشيك محلات المحجبات اللى عرفتها, موديلات حديثة ومحتشمة بألوان متنوعة وزاهية وخامات جيدة جدا,, وباسعار فى متوسط ال350 جنيه للقطعة الواحدة. انا باروح هناك كتير مع اصحابى واخواتى المحجبات, وبالاقى موديلات كتير تنفع لغير المحجبات. لو بتحبى اللبس المحتشم, زورى تكبير هيعجبك
  • Review by Shaimaa of Farghaly
    5 years ago
    مع ارتفاع درجات الحرارة المتكرر والاوفر, زيارة فرغلى بقت روتين يومى, فرغلى عنده عصائر فريش حلوة جدا وباسعار متوسطة, من اكتر العصائر اللى باحبها عندهم عصير البطيخ والمانجو,, سعر كوب العصير حوالى 10 جنيه.
  • Review by Shaimaa of Samir & Aly Stationery House
    5 years ago
    مكتبات سمير وعلى من اهم المكتبات فى مصر ومناسبة جدا لطلبة الجامعات والشركات. عشان فيها كل الادوات المكتبية والورق من ماركات مختلفة اللى اى طالب بيحتاجها, كمان فيها فولدرز وفايلز لارشيف الشركات والمكاتب. والنوت بوك بانواعها واحجامها وماركات اقلام متنوعة, واسعار سمير وعلى فى متوسط الاسعار فى باقى المكتبات. الفرق انك بتلاقى هناك كل اللى انت عايزه وبماركات مختلفة كمان.
  • Review by Shaimaa of Galaxy Cinema
    5 years ago
    سينما جلاكسى كانت من اهم واشيك سنيمات القاهرة, بس مؤخرا مستواها نزل كتير وبقى يبان عليها انها قديمة. خاصة مع افتتاح مجموعة سينمات جديدة فى كتير من مولات القاهرة. السنيما مازالت مهمة, وفيها 6 صالات عرض, واسعار تذاكر الحفلات الصباحية 25 جنيه , والحفلات المسائية 40 جنيه. وهى أحد اماكن العرض فى برنامج البانوراما الاوروبية, بس اتمنى يهتموا بتجديدها اكتر . زيارة سينما جلاكسى خيار جيد لو انت فى المنيل او المهندسين.
  • Review by Shaimaa of Prime Shop
    5 years ago
    ساعات بنكون مفلسين وعايزين نشترى لبس جديد, والمحلات العادية مش بترضى اذواقنا, انا بقى اكتشفت محل اوتليت لبراند Mango و CCDK بخصومات تصل الى 80%. فساتين CCDK بتصل اسعارها من 300- 600 جنيه مثلا. توب مانجو بحوالى 70 جنيه , الاسعار بتختلف طبعا حسب الموديل والسعر الاصلى للمنتج. حالة المنتجات فى المحل جيدة جدا, بس النظارات والاكسسوارات فيها بعض الخدوش, كمان بعض مقاسات اللبس مش موجودة فى اغلب الموديلات. بس بصفة عامة انا سعيدة قوى باكتشافى المحل ده وهأزوره كتير
  • Review by Shaimaa of Tie Shop
    5 years ago
    وايه يكمل الشياكة اكتر من السكارف!, سكارفات تاى شوب شيك وخامتها حلوة والوانه مميزة واسعارها غالية شوية, بس الشياكة تستاهل, كمان عندهم موديلات وانواع مختلفة من السكارفات وباندنات للمحجبات وخاماتها كويسة جدا, انا عندى اكتر من سكارف من تاى شوب عمليين جدا ومش بيتأثروا بالغسيل.
  • Review by Shaimaa of Crave
    5 years ago
    كريف من المطاعم الحلوة بجد فى البلد,, وعندهم اكلات كتير مميزة وباسعار متوسطة. من اكتر الحاجات المميزة فى مطعم كريف هى اختراع الجمبرى بالكنافة وهو مقبلات عبارة عن جمبرى مقلى بالكنافة بيتقدم مع تشيلى صوص وسعره 52 جنيه. وBeef Fillet Three Sauces وهى عبارة عن 3 قطع من الفيليه عليهم 3 انواع من الصوص الفلفل والمشروم والبلوتشيز صوص, وبيقدم مع الارز والخضار السوتيه, سعره 90 جنيه. ومن اطباق الحلو الممبز فى المطعم ال Chocolate Fondant وسعره 40 جنيه. كريف مطعم مميز جدا ويستحق التجربة ,, جربوه
  • Review by Shaimaa of Mince
    5 years ago
    مينس من مطاعم البرجر المميزة اللى تستحق التجربة. انا شخصيا باحب المطاعم اللى متخصصة فى تقديم البرجر مش مجرد ساندويتش فى المنيو! من اكثر الحاجات المميزة عندهم ال Smoked burger والمشروم برجر ,, اسعار المطعم متوسطة وتقدر تختار حجم البرجر170 جرام او 250 جرام. لو بتدور على مطعم برجر حلو فى مصر الجديدة زور مينس
  • Review by Shaimaa of Doctor Hesham Adel
    5 years ago
    دكتور عيون شاطر جدا, هو دكتور العيون للعائلة, بنتابع معاه من سنين. مستوى النظافة والنظام فى العيادة جيد جدا,, وبيكفى تروح لدكتور عارف شغله كويس وتكون متطمن طول فترة العلاج. لو بتعانى من مشكلة فى العيون زور عيادة د/ هشام عادل. واسأل مجربة!
  • Review by Shaimaa of Glitter
    5 years ago
    جليتر من الاماكن اللى بدأت حلو قوى وبعدين انخفضت جودة منتجاتها لسبب غير معلوم!! الاول كنت باشترى شنط من عندهم بجودة عالية, دلوقتى شنطهم خاماتها انحدرت جدا , بس الشوزات لسة خاماتها جيدة. الاكسسورات عندهم كمان مازالت رائعة ومميزة واسعارها مناسبة جدا.
  • Review by Shaimaa of El Hakem Mosque
    5 years ago
    دايما كنت باحلم اصلى فى مسجد مكشوف, واتأمل فى السما بعد الصلاة, اناجى ربنا وانا شايفة ابداعه فى الكون. لما روحت مسجد الحاكم بأمر الله اتحققت امنيتى, وحسيت براحة نفسية كبيرة, لاول مرة باصلى فى مسجد بساحة كبيرة واسعة,, المكان مريح لاقصى درجة, فى ناس كتير قاعدة فى المسجد بين الصلوات بعضهم مجموعات سياحية, وشباب بيذاكروا او بيتفرجوا ع المكان زيى!! اللى معجبنيش فى المكان اولا مستوى نظافة دورات المياة المفروض يكون افضل من كدة, ثانيا المجموعات الشبابية احيانا اصواتهم بتعلى ويهزروا هزار غير لائق بقدسية المكان. مسجد الحاكم بأمر الله من المساجد المفضلة عندى, وبازوره لاسباب مختلفة منها التأمل والمذاكرة فى دفء المكان.
  • Review by Shaimaa of Jumia
    5 years ago
    جوميا خدمة مميزة للبيع من خلال الانترنت, باقدر من خلالها اتابع موديلات اكتر من براند فى نفس الوقت,, وكمان استمتع بالخصومات الدورية عليها,, انا اشتريت اكتر من مرة من جوميا وخدمة العملاء كانت جيدة , والتوصيل أطول من الوقت المفترض بيوم او اتنين. المنتج وصلنى بجودة ممتازة, انا بافضل اشترى من جوميا من البراندات اللى انا عارفاها عشان اتأكد من ال
Next

Places I like

Photos I added

مسرح الفلكى من الداخل
مسرح فلكى
سينما زاوية