مطعم و لاونج أكالا
مطعم و لاونج أكالا

القاهرة - مساكن شيراتون

ذا ديستريكت - نادى وادى دجلة - طريق الاوتوستراد
احصل على التوجيهات

مراجعات (1)

  • Review مطعم و لاونج أكالا by chef manar
    102 من المراجعات |  قبل 5 سنوات
    من المطاعم اللبنانية ال ابتدت تكتسب شهرة مؤخرا خاصة بعد ما فتحت فرعها التاني في المعادي ..أكالا من المطاعم ال تعتبر 3 مطاعم في بعض ودا لأنه عنده جزء خاص بالمطبخ اللبناني وجزء خاص بالمطبخ الأمريكي والجزء الثالث ال هو يعتبر خليط بين اللبناني والأمريكي ودا مش كل الناس بتفضله فكرة انك تاكل برجر وعليه تبولة أو حمص ممكن تكون جديدة بس مش مُفضلة عند ناس كتير .. وكتير شافوا أنه كان أحسن يحافظ على هوية كل مطبخ لوحده ..لو هنتكلم على كل قسم لوحدو في المنيو وبدأنا بالقسم اللبناني هتلاقي كل حاجة معمولة صح وعلى اصولها ومفيش حاجة وحشة فتة الحمص بالزبادي تعتبر من أحسن فتة الحص ال ممكن تاكها برة ونفس الكلام بينطبق على باقي أنواع الفتة عند أكالا من اكتر الحاجات ال ممكن تتطلبها وتستمتع بيها جدا هي أي نوع من الفتة أنت بس هتلاحظ أن الاسعار غالية شوية مقارنا بكذة مطعم لبناني غيره مثلا فتة الدجاج دي بتكون كميتها صغيرة وسعرها 60 جنيه وفتة الحمص 40 جنيه.. ال هتلاحظه هناك أنك لما تطلب حاجة من المطبخ الأمريكي هتلاقيها حلوة جدا ونفس الكلام بينطبق على الحاجة ال هتطلبها من المطبخ اللبناني حلوة ومظبوطة جداا لكن ال دائما بتلاقيه مش على أد المستوى هو الجزء الخاص بين المطبخين سواء كان برجر اللحمة مع التبولة وخاصة برجر الدجاج مع الحمص بالطحينة مش على المستوى خالص وعادي جدا مش من الحاجات ال أنصحك تجربها لأنها عبارة عن طعم فراخ مشوبة مع سلطة حمص مش أكتر..
Next