المكان الخارجي
ذا كوفى بيين اند تى ليف
ذا كوفى بيين اند تى ليف

مراجعات (1)

  • Review ذا كوفى بيين اند تى ليف by Merihan
    183 من المراجعات |  قبل 5 سنوات
    الله علي دة مكان، ودة View ودي خدمه، ولا جودة منتجات، ونضافه مكان، إيه دة بس يا جماعه، انا كميريهان انشكحت :) :) كافية The Coffee bean and the tea leaf فعلًا عظمه، ومنتشر في القاهرة جدًا، وفرع واحد بس ويتيم في إسكندرية، المهم نرجع لتجربتي معاه في شارع جامعه الدول. :)) المكان جميل وهادي ونضيف وديكوره مميز والخدمه روعه، شويه وهيشيلوك من ع الارض ويحطوك جوه عيونهم :) طلبنا (لاتيه فانليا وزودت عليها وكريم شانية) وخطيبي طلب (كراميل ماكياتو دوبل) وقلنا نجيب Dessert رغم إن مكنش في خرم إبره فمعدتنا والله. :) فطلبت شوكليت فودج، هيا مكانتش فودج، وطلعت شوكليت كيك، بس جميلة جدًا، مخدومه ككيك صح، وطازة ورغم انها مش عملاقه بس مقدرناش نخلصها. :) الاتيه الفانيليا جميل جمال مش ممكن، وطلبته لارج، وكمان الكراميل ماكياتو طلبناه لارج، والفوم بتاع الكراميل مكياتو ممتاز ومختلف عن اي فوم جربته اقبل كدة، سواء في القاهرة ولا إسكندرية، المكان دة لازم يتجرب خصوصا بالليل لان المكان الخارجي ممتاز وجميل، والإضاءه تخليك حاسس إنك مالك الدنيا بما فيها :) <3 الفاتورة مكانتش عاليه تقريبًا ٨٠ج :))
Next