مكان
مكان من الداخل
مكان - المركز المصرى للثقافة والفنون
مكان - المركز المصرى للثقافة والفنون

مكان - المركز المصرى للثقافة والفنون

1 من المراجعات

القاهرة - وسط البلد

1 ش سعد زغلول

مراجعات (1)

  • Review مكان - المركز المصرى للثقافة والفنون by Shaimaa
    130 من المراجعات |  قبل 5 سنوات
    مكان هو تجربة مختلفة جدا, المكان ده روحه حلوة جدا ومريح نفسيا بدرجة لا توصف, مكان قديم كان مطبعة زمااان, وبعدين بقى المركز المصرى للثقافة والفنون, الحيطان قديمة زى ما هى وكراسى خشب وقعدة فى الارض, المكان مفيهوش مسرح,, الفنان بيكون قاعد قدامك او جنبك كإنكوا فى قاعدة غنا, ع الحيطان فروع لمبات ملونة مع الحيطان القديمة بتحس كإنك فى بيت مصرى قديم بجد,, فى البريك بيكونوا مجهزين شاى وكركديه لكل الناس, , وفى المدخل صور لفنانين مصريين غير تقليديين, المكان ده عبارة عن ريسيبشن صغير , وصالة كبيرة بيقام فيها عروض موسيقية مختلفة صوفى وذكر وعروض لفرق مميزة زى مزاهر اللى بيقدموا الزار المصرى والسودانى فنيا, وعروض تانية كتير,, محمد محسن كان بيقيم حفلاته فى مكان قبل الشهرة,, فاكرة حفلاته هناك وصوته مع الجو الدافى للمكان.بعدها بقينا نروح مكان على طول. أسعار حفلات مكان مش غالية, التيكت ب30 جنيه للفرد و20 جنيه للأسر والعائلات. المركز المصرى بيعمل افلام وثائقية كمان عن الفن المصرى وبيصدر كتب مهمة ,, ممكن تبصوا عليها وانتوا هناك. مكان أيام الحظر كان عامل سهرات كل واحد يجيب ألته الموسيقية وملاية ويفضلوا يغنوا ويعزفوا طول وقت الحظر. مكان هو مكان مصرى أصيل هتسمع فيه فنون مصرية بجد, تجربة مهمة لازم تقوم بيها
Next