Looking for the perfectly balanced meal? Got a serious need for Comfort Food? Seeking sheer goodness? Well, we do it in a hundred different ways.
جاكيت بوتيتو
جاكيت بوتيتو
جاكيت بوتيتو
Review جاكيت بوتيتو by Amera
7 من المراجعات |  قبل 5 سنوات
فكرة المطعم مختلفة و حلوة جداً بس بصراحة مش هروح أكل منه تاني لأن أولاً مفيش غير فرع المعادي و هو بعيد بالنسبه لي + إن المطعم صغير و الأكل بيجي بعد كتيير و الأكل حلو و كل حاجه و مختلف بس صغير و ميستهلش الأسعار. يعني طلبت باكت بطاطس بالفراخ و كان ب 46 جنيه. و هو 30 جنيه بالكتير كفايه عليه.

القاهرة - المعادي

22 شارع 9
احصل على التوجيهات
كحول
  • لا يقدم الكحول
التدخين
  • خالي تماما من التدخين

مراجعات (9)

  • Review جاكيت بوتيتو by Rabab
    61 من المراجعات |  قبل 5 سنوات
    المكان تصميمه بسيط و هادي, فيه مكان خارج المطعم فى الهواء حجمة كبير, المزيكا لطيفة وغير مزعجة, الاكل حلو جدا و مختلف و تجربة مميزة خصوصا الحلو, بطاطس بالكراميل او النوتيلا, الوجبة دسمة وصحية
  • Review جاكيت بوتيتو by Hum
    3 من المراجعات |  قبل 5 سنوات
    بالنسبالى انا من عشاق البطاطس واول ماسمعت عن مطعم جاكيت بوتيتو كان عندى فضوول اعرف ايه الطرق التانيه غير المعتاده اللى الواحد بيعرفها غير المقلى باانواعه ونكهاته او مسلوقه وبطرقه المختلفه او فى الفرن اللى هى صنيه يعنى :D بس فعلا فعلا المطعم الواحد يقول انه يستحق تروح تقضى يوم من اول النهار مع ان الوجبه تشبعك وتبقى حاسس انك مش هتاكل تانى لحد تانى يوم وللاسف انا كنت رايحه على اساس دى يعنى بطاطسايه فامش هاتكفى فانا اكيد هطلب تانى واكيد طبعا هادوق الحلووو بس للاسف ماعرفتش اجرب الحلو مع انى كنت هموت عليه بس ان شاء الله المره الجايه ابقى اروح مش واكله يومين ولا حاجه :D وعاوزه اقول كمان غير ان الاكل مميز واول مره ادوق بطاطس بالطعامه دى المكان جميل اوووى وديكوره بسيط جداااااا وفعلا فعلا معامله الناس هناك طيبه جدااااا والمكان يستحق ان الواحد يبقى هناك العضو المقيم :D
  • Review جاكيت بوتيتو by Amera
    7 من المراجعات |  قبل 5 سنوات
    فكرة المطعم مختلفة و حلوة جداً بس بصراحة مش هروح أكل منه تاني لأن أولاً مفيش غير فرع المعادي و هو بعيد بالنسبه لي + إن المطعم صغير و الأكل بيجي بعد كتيير و الأكل حلو و كل حاجه و مختلف بس صغير و ميستهلش الأسعار. يعني طلبت باكت بطاطس بالفراخ و كان ب 46 جنيه. و هو 30 جنيه بالكتير كفايه عليه.
  • Review جاكيت بوتيتو by Shady
    17 من المراجعات |  قبل 5 سنوات
    أسوأ مكان ممكن حد يفكر ياكل من عنده المكان سىء لدرجة انا ماكنتش متخيلها المكان مبدئيا صغير عبارة عن ترابزتين جوه و ثلاثة بره الاستاف مكون من ٣ افراد الاكل بياخد وقت كتييير جدا لدرجة ان كان فى حد قاعد فى المكان كان بيتخانق عشان قاعد اكتر من ساعه ونصف عشان ياخد الاوردر بتاعه ده غير ان وانا قاعد فى ناس دخلت وخرجت من غير ما تتطلب اوردر :) ده كله بقى حاجه و السعر حاجه تانيه غالى جدا على الفاضى حقيقى اسوأ تجربه فى حياتى
  • Review جاكيت بوتيتو by Mona
    138 من المراجعات |  قبل 5 سنوات
    أيوة ناس كتير كتبت عن جاكيت بوتيتو بس ده مش معناه خالص ان منكتبش عنه تاني، جاكيت بوتيتو من المطاعم اللي بقتنع تماما انها متعملتش لاي سبب غير علشان ننبسط، بس انا عاوزة اتكلم عن حاجتين تانين غير اللي الناس جايز اتكلمت عنهم، اولا الحمامات، علشان بس منسيبش حد يشمت فينا، لو يهتموا اكتر هتبقى حاجة لطيفة، التويلت ضيق جدا و مستوى نضافته مش سيء بس مش زي ما المفروض يكون، و مفيش مناديل و لا شاور، و دي حاجة متعبة شوية رقم اتنين و علشان زي ما قولنا الحلو نقول الوحش، الاضافة الاوريانتال في مينيو جاكيت بوتيتو كانت شيء عظيم حقيقي، ميكس البطاطس مع الكبدة حاجة يمكن غريبة شوية في التخيل بس حقيقي مستاهلة التجربة، تومية و الكبدة وويل دن، جربوها هتحبوها جدا جدا سعرها 37 جنيه تقريبا
  • Review جاكيت بوتيتو by Laila Mamilly
    130 من المراجعات |  قبل 5 سنوات
    مبدئيا كده جاكيت بوتيتو بالنسبالي هو احلى اكل باكله في حياتي كلها ! نقدر نسميه مطعم احلامي في اهدا منطقة في المعادي تقعد برواق شديد في المحل اللي صغير في حجمه و كبير جدا جدا في مفعوله حيث عنده قعدة جوا صغيرة تقريبا 5 اماكن للقعدة مريحين و ديكور هايل و تشوف جنبك الاكل بيتعمل ازاي بكل نضافة و خبرة و بنفس الوقت من غير ماتبقا شامم ريحة الاكل .. و في قعدة برة تقريبا 7 طرابيزات و زي ماقولت المنطقة رواق جدا يعني فين ما قعدت انت الكسبان الاكل بقا المنيو شهي جدا كله عبارة عن جاكيت بوتيتو .. يعني بطاطس مشوية و مفتوحة كده عشان جواها يتحط الصوص و المكونات سواء فراخ او لحم و بيبروني او كبدة اسكندراني مؤخرا! مع طبعا توابل جامدة جدا و اضافات زي ماشروم او درة او فلفل او زيتون اسود هتلاقي في اختيارات كتيرة ترضي اي ذوق ، اما لو كنت ذو ذوق صعب جدا ارضاؤه فبرده هتلاقي نفسك في جاكيت بوتيتو اللي سايبينلك حرية الاختيار انك تعمل جاكيت بوتيتو خاصة بيك بكل مكوناتها ! بالنسبالي المفضلة و اللي باكلها بنهم كل مرة هي كولد تشكن اند بربل صوص .. صوص كده لونه بينك ماقدرتش افهم خالص هو ايه بس طعمه جنان الاسعار في جاكيت بوتيتو من 30 ل 45 جنيه حسب الصنف اللي بتاخده جدير بالذكر تلات حاجات اولا انه جاكيت بوتيتو بيعمل ديزرت بالبطاطا الحلوة بيحط عليها مارشميلو و شوكولا و حاجات من دي ! شكلها هايل بس ولا مرة كان عندي متسع اني اكلها نظرا لاني كل مرة بتوهم بالاكل و بشبع جدا و ثانيا انه عنده في المنيو حاجات شكلها شهي فعلا زي السلطة و الفرايز بطريقة جاكيت بوتيتو بس ساعات بتبقا مش متوفرة و ده شيء حزين جدا ثالثا و هي السلبية الحقيقية انهم بيتأخروا جدااااااااا و ساعات بيلخبطوا الاوردرات و موال .. و ماعندهمش برده ديلفري بره المعادي الا لو مثلا هتطلب 10 اصناف مش اقل من كده ! و ده برده شيء مش حلو و لكن معذورين عشان يعتبر محل صغير و امكانياته كده من الاخر انا في عشق جاكيت بوتيتو اذوب !
  • Review جاكيت بوتيتو by أحمد
    1 من المراجعات |  قبل 5 سنوات
    عُشاق البطاطس هيبقى صعب عليهم جدًا الاختيار من المنيو الموجودة في Jacket Potato. مبدئيًا المكان بيقدم البطاطس بشكل مختلف جدًا: الطبق مُكوَّن من بطاطسيتين مفتوحين من النُص، بيدخلوا الفرن وبعدها بيتضاف لهم المكونات حسب الطلب (فراخ، لحوم، تونة...)، والصوص بأنواعه، وبيدخلوا الفرن تاني عشان يتقدم سُخن ومكوناته ممتزجة مع بعضها بشكل رائع. المطعم: الجو الداخلي لطيف وحميمي جدًا، مش هتشوف أكتر من اتنين أو تلاتة من الـ staff في أي وقت من اليوم. الديكور هادي، داخل المحل ترابيزتين، وstand ممكن 3 أو 4 يقعدوا عليه. خارج المحل في 7 ترابيزات للناس اللي بتحب تقعد في الهوا، لكن نصيحة لأول زيارة القعدة جوا أحسن كتير عشان تاخد التجربة كاملة. الطلبات: هتبقى محتار في الأول شوية. خليك في السليم لو أول زيارة واطلب حاجة بتحبها جدًا عشان تنبسط. فاهيتا الفراخ كان أحسن حاجة طلبناها، مش بس عشان الطعم، لسبب معرفوش كان دايمًا أحسن طلب بيستوي مع البطاطس بشكل مثالي. كل الطلبات عمومًا بتتراوح بين 30 و45 جنيه. مش دايمًا متوافر حل إنك تلعب في الطلب وتشكّله على مزاجك، دي تقريبًا أوحش حاجة في الطلبات للناس اللي بتحب الطلبات المختلفة وبتزهق من الاختيارات المحدودة. الأكل: بيشبَّع جدًا. مش سهل تحتاج تطلب حاجة تانية إلا لو كنت عايز تجرب طلب تاني. بييجي في علبة كرتون لطيفة ممكن تاخدها معاك لو قررت تاكل خارج المحل. درجة سوا الطلبات بتختلف حسب النوع، وممكن تبقى أحسن من كده خصوصًا لطلبات اللحوم. الحلويات: طريقة طبخ البطاطس المتميزة بيحصل زيها مع البطاطا. اختيارات الحلويات دايمًا مغرية (نوتلا وشوكولاتة وآيس كريم وغيرهم) لو بتحب البطاطا لوحدها. نصيحة لو مش بتحبها بلاش تجربها لمجرد التجربة. عمومًا في الغالب مش هتحس إنك محتاج تحلّي بعد الأكل. الفطار المحل ومكانه لطيف جدًا للفطار، وبيقدم اختيارات خفيفة من الجبنة والبيض مع البطاطس لفطار محترم ورخيص (في حدود 15 جنيه). التجربة والأكل يستحقوا تقييم 5/5 لـ Jacket Potato، لكن في حاجات ممكن تبقى أحسن من كده، غالبًا مش هتاخد بالك منها لو أول زيارة. يُنصح به بشدة لخروجات الصحاب الحلوة، خصوصًا إن المحل 5 دقايق مشي من المترو (محظة ثكنات المعادي).
  • Review جاكيت بوتيتو by RaniaElkattan
    10 من المراجعات |  قبل 5 سنوات
    أهم ١٠ حاجات لازم تعرفها قبل ما تختار المكان اللي هتقعد فيه. ١- المكان: Jacket potato _ شارع ٩، المعادي. ٢- الوصف: مطعم بيقدم بطاطس مخبوزة بطريقة وإضافات غير تقليدية. ٣- الطلب: "تشكين بابريكاش" ب39 جنية. _!عبارة عن بطاطس كبيرة مخبوزة فى الفرن مفتوحة من النص وعليها قطع من صدور الفراخ بصوص الباربيكا مع ساور كريم ومشروم وكمية كبيرة من الجبنة الشيدر. ٤- الجودة: الطعم: حلو جداً. طريقة التقديم: جيدة جداً وعملية " العلبة تقدر تستخدمها للتيك أوت" الرائحة: جيدة جداً. ٥-وقت التحضير: متوسط حوالى ٣٠ دقيقة ٦- الخدمة: ممتازة، وسألونا لو عندنا أى ملاحظات على الأكل. ٧- أسوأ حاجة: صوص الساور كريم كان محتاج يبقي أكتر شوية. ٨- أحسن حاجة: الأكل بيشبع جداً، وكمان تقدر تحضر طبقك على مزاجك من خارج المنيو الثابتة بمكوناتك المفضلة. ٩- التقييم الكلي: 4/5 ١٠- ملاحظات: اترددت كتير قبل ما أجرب المكان لكن ندمت أكتر بعد ما جربته.
  • Review جاكيت بوتيتو by Alaa
    122 من المراجعات |  قبل 5 سنوات
    عجبنى جدا فكره ان البطاطس معمولة بطريقة حلوة جدا جدا بس المشكلة فى قشر البطاطس كنت حاسه مش مغسول
Next