فطاطرى القليوبى

القاهرة - الجيزة

46 ش البحر الاعظم - امام نادى المهندسين

مراجعات (2)

  • Review فطاطرى القليوبى by Mona
    138 من المراجعات |  قبل 5 سنوات
    طيب هو حلو و لا وحش ؟ :D و الله أنا مش عارفة، هو مبدئيا عمل حركة مش لطيفة كان ممكن تقفلني منه، و هو إننا لما إتصلنا و طلبنا فطير بالسجق، صغير، جابهولنا بيتزا سجق وسط، و لولا إننا كنا جعانين جدا، كنا رجعنا الاوردر و اتخانقنا الخناقة إياها، بس محصلش بقى ممكن نكون سامحناه برده لما بصينا كده عـ البيتزا الميديام و لاقيناها اكبر ميديام سايز شوفناه في حياتنا، و لولا ان كان جاي مع الاوردر حاجة لارج، كنا افتكرناها غلطة برده القليوبي كريم جدا، كل حاجة كتير في البيتزا، جبنة كتير سجق كتير خضار كتير، تاكل كده و تحس إنك عاوز تنام في نص البيتزاية، و هنا يجي العيب بقى، إنه الاكل تقيل جدا، في زيت، او علشان الجبنة الكتيرة مقدرتش احدد الغلط جاي منين تحديدا، بس هو تقيل، فلو معدتك تماما و القولون مش بيلعب معاك الدنيئة، يبقى إتكل على الله و أطلب القليوبي، هتنبسط
  • Review فطاطرى القليوبى by Omar
    110 من المراجعات |  قبل 5 سنوات
    المكان ده قلعة بجد .. ازاي الناس دي عظيمة كده في الاكل ه . .ازاي الفطير و البيتزا هناك فوق الوصف كدا و الكريف هناك خفيف كدا مش تخين .. انا طلبت 4 اصناف حواوشي .. بيتزا ايطالي سجق .. كريب كريسبي .. و فطيرة مشكل جبن .. وكله كان فوق الروعة الحشو مظبوط .. و الجبنة الموتزاريلا اصلية مش مضروبة بتشد معاك وكمية كبير .. لكن لفت نظري حاجة غريبة .. ان الحواوشي عليه سمسم .. ايوة سمسم ... وده ميله طعم جديد اول مرة اجربه بس اتبسط . .الاحجام هناك تكفي فردين .. لان الاكل كبير و كتير .. دفعنا في البيتزا 35 للوسط .. و الفطير 45 للكبيرة .. والكريب 15 و الحواوشي 20 .. بس اتبسط جدا و الاكل اتبقي كمان
Next