اشهر محل ايس كريم فى وسط البلد
الايسكريم في محلات العبد رهيبة لدرجة الجنون انصح بتجربته بالذات بنكهة المانجو والفراولة.... طبعا ينصحو بالبسبوسة لكن ما جربتها للاسف...
حلواني العبد
حلواني العبد

القاهرة - وسط البلد

25 شارع طلعت حرب - بجوار مول طلعت حرب
احصل على التوجيهات

مراجعات (6)

  • Review حلواني العبد by Mohamed
    100 من المراجعات |  قبل 5 سنوات
    معتقدش ان فى حد عايش فى القاهرة او من رواد وسط البلد الا و يعرف العبد فعلا .. من اكثر الاماكن اللى بحب حلوياتهم و الايس كريم بتاعهم فى و سط البلد .. تشكيلة كبيرة جدا من ااحلويات الشرقية و الغربية و التسالى و الايس كريم لدرجة تخليك تحتار انت هتختار تشترى ايه .. التورتة و الجاتوه عنده ممتازين و دايما طازة و اسعارهم مش غالية الدستة من الجاتوه ب ٥٥ جنيه و التورتة فى متوسط ال ١٠٠ جنيه حسب الحجم طبعا .. غير ان الايس كريم هناك و الدنش سواء بالعسل او بالسكر ميتفوتوش ابدا ابدا و اسعارهم رخيصة اقل من ٥ جنيه ..
  • Review حلواني العبد by Muhammad Sanad
    7 من المراجعات |  قبل 5 سنوات
    وسط البلد يعنى آيس كريم العبد
  • Review حلواني العبد by Mona
    138 من المراجعات |  قبل 5 سنوات
    العبد، أشهر من نار على علم، بتهيألي مفيش حد في القاهرة إلا و وقف في طوابير الآيس كريم بتاع العبد بكل نفس راضية، و لا جرب الباتيه و الدانش بتاعه، و ضيف على كده التورتات و الجاتوهات و الحلويات الشرقية و و و عند العبد هتلاقي كل اللي نفسك فيه، صحيح فرع وسط البلد زحمة كده و تحس ان الموظفين تايهين و ده بيدي إنطباع نوعا ما انهم مش مركزين معاك أو مش عارفين يقدمولك الخدمة زي ما لازم تتقدم، لكن المكان في حاجات كتير تشفعله التورتات من عند العبد عظيمة، و في نفس الرينج بتاع أي مكان تاني، المكسرات برده، مع رمضان بيبقى عندهم كذا باكيدج و أسعار بتوصل لـ 1200 جنيه، حلويات المولد النبي برده ميتحكيش عليها من العبد، بس بما اننا في رمضان، فعاوزة أقولكم إنه العبد دلوقتي نزل الكعك و البسكوت و البيتيفور و الغربية، و الاسعار في نظري معقولة جدا بتبتدي من 35 جنيه تقريبا، و بتزيد بقى على حسب الإضافات أو المكسرات، بتوصل تقريبا لـ 70 جنيه، هي سعر الكعك بالفستق، و البيتي فور بالمكسرات، علبة وزنها بيبقى كيلو، عدوا عـ العبد هاتوا أي حاجة، و كل حاجة مش هتندموا عليها
  • Review حلواني العبد by Hajar
    4 من المراجعات |  قبل 5 سنوات
    اكتر حاجة باحبها فى العبد الدنش والايس كريم اللى يجنن و الباتية الواو, احلى حاجة فى العبد مستوى النظافة العالى, تقدرى تاكلى الحاجة و انتى مطمنة و بيطلعوا كل المخبوزات تجنن و رخيصة بالنسبة للمحلات التانية و الحلويات الشرقية دي بقى عالم تانى من الجمال و سعرها حلو و كمان عندهم ملفيه يجنن اوى
  • Review حلواني العبد by Alaa
    122 من المراجعات |  قبل 5 سنوات
    لو بتفكر تنزل وسط البلد ومع دخول الصيف فأنت أكيد محتاج حاجة تطرى على صدرك فى الحر ده , كل مره بنزل وسط البلد بعدى أجيب أيس كريم من العبد بيبقى تحفة جدا , حلويات العبد لا يعلى عليها حقيقى لكن كل سنة بحس ان الاسعار بتغلى بزيادة عن المحلات التانية والجودة بتقل شوية لكن يبقى الايس كريم هو الاحلى فى وسط الحر :)
  • Review حلواني العبد by Laila Mamilly
    130 من المراجعات |  قبل 5 سنوات
    حلواني العبد هو الماركة اللي بتغزوا المولات و السوبر ماركتس على مستوى الجمهورية كل عيد و كل رمضان و كل مناسبة و لكن بنفتقده جدا خلال السنة بسبب انه فروعه في وسط البلد يعني مش متوزعه في كل مكان .. و ضيف على كده انه ماعندوش ديلفري :/ ميزة حلواني العبد انه عنده كل حاجة متصنفة على حسب ماهتدفع من اقل حاجة ممكنة و يعلى معاك قد مانت عايز تتقل .. في التورتات طبعا دايما فريش وحلوة جدا لانه دايما عنده زحمة جدا جدا فمافيش احتمال اصلا انك تاخد حاجة بايتة و انواع مختلفة من كل شكل و لون .. البسكوت عنده و المعجنات هايلة و الحلويات الشرقية متنوعة و حاجات المولد دايما متوفرة .. لو حالفك الحظ و روحت في وقت مش زحمة اوي اوي ..حاول تطلع بغنائم كتير لانها فرصة مش هتتعوض !
Next