دايت هاوس
Diet House
دايت هاوس

القاهرة - مصر الجديدة

114 شارع شارع الثورة
احصل على التوجيهات

مراجعات (2)

  • Review دايت هاوس by Mahmud
    71 من المراجعات |  قبل 5 سنوات
    أرشح المطعم ده للناس اللي بتعمل دايت وفي نفس الوقت نفسها تاكل مأكولات سريعة صحية بسعرات حرارية أقل وبنسبة دهون أقل، فكرة المطعم إنه بيقدم برجر خالي من الدهون تقريبًا، ساندويتشات برجر أمينو، ووايت لوس برجر، وبيف برجر، وغيرهم، أسعاره معقولة، نقول غالية نسبيًا، بتبدأ من 32ج ل 50ج. المطعم بيقدم بيتزا، بيتزا سيكس باكس، وبيتزا هيروز برجر، وديلوكس بيتزا، والموزريلا دهون أقل. دايت هاوس بيعمل ساندويتشات فراخ؛ ماسيل، وكارديو بلو، ودايترز. بيعمل حلويات، وكل الحلويات بتتعمل بلبن خالي الدسم، وسكر دايت، الحلويات، تشيز كيك، وكريم كراميل وغيرها الاسعار من 15ج ل 25ج. وبيعمل مخبوزات مافن، وستيكس، وكيك انجليزي.الاسعار من 10ج ل40ج. بيانات الدليفري: لوأنت موجود في الأماكن دي تقدر تطلب أي أوردر في مواعيد عمل المطعم اللي هي من 10 صباحًا حتي 1صباحًا؛ الدقي, مصر الجديدة, المنيل, المهندسين, مدينة نصر, الزمالك, العجوزة. رقم الدليفري: 0237629507
  • Review دايت هاوس by Laila Mamilly
    130 من المراجعات |  قبل 5 سنوات
    من واقع تجربتي في المطاعم و بعد كل الأكل اللي أكلته و التجارب اللي عشتها ، لابد و أن يكون في حياتي مرحلة تعتبر الأهم في حياة كل بنت و هي مرحلة " الدايت " .. بس مين قال الدايت مالوش مطاعم كمان ؟ :D أشهر مطعم للدايت هو دايت هاوس ، في مصر الجديدة و المهندسين ..المكان فخيم حبتين تلاتة و غالي برده شويتين تلاتة اربعة :) و لكنه بيراعي النظام الصحي في كل مكوناته و أهم من النظام الصحي هو تقليل الدهون مع حتة انك تاكل كل الأكل اللي بتحبه بس دايت البرجر مثلا ، قرص لحم بدون دهون مع جبن شيدر منزوعة الدسم و صوص دايت هاوس العجيب مع خضروات خس و فلفل و طماطم و محطوط جوا فينو غامق بتاع الدايت و ده ب 36 جنيه ،برده في ساندويتشات بالعيش الخفيف و المميز فيهم سليمي وارب اللي هي عبارة عن صدور فراخ مشوية مع خس و ملفوف و صوص دايت هاوس و السعر 25 جنيه الجميل في دايت هاوس إنه جنب كل صنف بيكتب عدد الكالوريز فيه حيث انك تقيس اللي عايزه بالواحدة ، أما الحاجة الفظيعة عنده من كتر جمالها انه مش عشان انت في دايت هتحرم نفسك من الشوكولا و الحلويات ، إطلاقا ! في تشيز كيك 25 جنيه و كريم كراميل 15 جنيه و الأحلى من ده كله علبة مينيز تشوكليت بول 3 قطع صغيرة من بول الشوكولا 2 دارك تشوكليت و واحدة وايت تشوكليت العلبة ب 25 جنيه حاجة لو انت في دايت هتلاقيها من الجنة ! برده دايت هاوس عنده اشتراك شهري انه 5 او 6 ايام في الاسبوع يبعتلك اكل بنظام غذائي معين بس تقريبا الشهر عنده بما يقارب 1000 جنيه بالنسبالي مبلغ خيالي اني اضحي بيه عشان اشتراك مطعم حتى لو شهر :D كمان دايت هاوس كان يعمل دايت رايس و دايت باستا بس بطل يعملهم
Next