سيلنترو
سيلنترو

القاهرة - الزمالك

157 ش 26 يوليو - بجوار مطعم توماس
احصل على التوجيهات

مراجعات (1)

  • Review سيلنترو by Mona
    138 من المراجعات |  قبل 5 سنوات
    انا بيني و بين سيلانترو قصة حب حقيقي تتعمل مجلدات، المكان من الاماكن اللي غصب عنك ترتبط بيها و مرة في التانية بتحس ان ليها ريحة معينة كده و إحساس عظيم، من أحسن الفروع اللي ممكن تقعد فيها فرع المهندسين في شارع جامعة الدول، موود رهيب، و كذلك فرع الزمالك عند فندق ام كلثوم قصاد النيل في سلينترو، الهوت تشوكليت هو المشروب المفضل، و أحيانا بيبقى عندهم عروض كده، من ضمنها هوت تشوكليت بالبرتقان كان عظيم، و كولد تشوكليت بالفراولة كانت من اعظم الحاجات في العالم، و اللمون بالنعناع كان حاجة عظيمة كمان بما إننا بقينا في الصيف الخدمة في سيلانترو حلوة و سريعة، و الستاف بشوشين بس أحيانا بصراحة زنانين، حلو يا فندم ؟ اجيبلك كذا يا فندم، و ده شيء مش لطيف رينج الاسعار في سيلانترو هو العادي بتاع كل الكافيهات، الكلاسيك هوت تشوكليت 15 جنيه، و بالبرتقان كان بـ 25، و القهوة و الاسبرسو في رينج العشرة جنيه ميزة سيلانترو برده ان مفيش مينيمم تشارج، حقيقي أنا بنبسط في سيلانترو !، بس لو هنصح حد نصيحة، بلاش فرع محمد محمود، صغير كده و بيدي شعور بالخنقة، غير كده، متترددش تشوف صحابك و تعمل ميتنج لشغلك او حتى تقعد تشتغل لوحدك في سيلانترو
Next