ده المنيو بتاع الاكل هتلاقى كل الاسعار
مطعم الإخلاص والأمانة - كبابجي الشيف صبحي
مطعم الإخلاص والأمانة - كبابجي الشيف صبحي

مطعم الإخلاص والأمانة - كبابجي الشيف صبحي

6 من المراجعات
توجيهات

القاهرة - شبرا الخيمة

محطة مترو مسرة - شارع فراج حميدة
احصل على التوجيهات

مراجعات (6)

  • Review مطعم الإخلاص والأمانة - كبابجي الشيف صبحي by Omar
    110 من المراجعات |  قبل 5 سنوات
    علاء صحبي قالي تعالي نروح الاسبوع الجاي .. مقدرتش استني .. عديت علي والدي في الشغل وقولتله نروح ناكل هناك كلنا .. روحنا ولفينا شوية علي ما لقيناه .. لقينا زحمة غريبة مش متعود عليها قبل كده .. طلبنا طاجن ملوخية باللحمة و طاجن بطاطس باللحمة .. نص سجق و نص لحمة باللية .. و اخويا اكل نص فرخة تكا ملوش هو في الكلام ده :D الملوخية كانت حلوة لكن انا مليش تقل عليها اووي .. خصوصا انها طاجن باللحمة بس ده كان محليها اكتر .. اما الطاجن البطاطس كان تحفة يخربيت الجمال .. السجق و اللحمة باللية دول عتاولة الليلة .. السجق تحفة بتاكل في الواحدة نص ساعة عشان متخلصش من حلاوتها .. اللحمة بقي يخربيت الجمال بتمزمزها كده و تحطها في البق تخليك عاوز تاكل القعدة كلها لحمة باللية .. الطواجن من 40 ل 50 و السجق النص ب 60 و اللحمة ب 80 و الفراخ ب 22 المنيو في حاجات مش كتير اوي بس تحفة و الاكل طبعا اتاخر شوية بس ده عشان هو فريش
  • Review مطعم الإخلاص والأمانة - كبابجي الشيف صبحي by Nilly
    1 من المراجعات |  قبل 5 سنوات
    عنوان الثقة كل وانت مغمض بس هو في روض الفرج بشبرا ليس بشبرا الخيمة
  • Review مطعم الإخلاص والأمانة - كبابجي الشيف صبحي by Mohamed
    1 من المراجعات |  قبل 5 سنوات
    من احلي الاماكن نظافة وتميز
  • Review مطعم الإخلاص والأمانة - كبابجي الشيف صبحي by chef manar
    102 من المراجعات |  قبل 5 سنوات
    صبحي من الأسماء المشهورة طبعا من زمان ولكن أسمه سمع بشكل كبير في الفترة الأخيرة خاصةبعد البرنس ما قفل فترة .. صبحي دلوقتي و اخد شارعين كاملين هتلاقي فرن عيش و محلين جزارة و مكنة سجق ده غير الجريلا و بتاع الملوخية و كل ده في الشارع و انت قاعد المشويات عندة حلوة جدااا الريش و الكباب و الكفتة دا غيرالكبدة و الكلاوي حلوة و طبعا كله فريش و كله قدامك و اسعارة فعلا رخيصة بشكل غريب و لو الحاجة مكنتش قدامك الواحد كان شك في الاسعار دي .. المكان شعبي أوي وزحمة جداا جدااا في أي وقت فميعتبرش أنك خارج علشان تاكل في مكان حلو.. في راي كمان أنه غير مناسب للتجمعات العائلية الكبيرة على الرغم من الزحمة ال عنده وكم العائلات ال بتحب تروح هناك بس في رأي مش مناسب خاصة وان الخدمة هناك بطيئة ومستواها ضعيف جدا والزحمة بشكل غير طبيعي .. مناسب أنك تطلب من عنده وتاخد الأكل تيك واي أو لو أنت مع أصحابك سهرانين ف ممكن تروحو في وقت الفجر بتكون الدنيا هديت شوية والزحمة قلت ..
  • Review مطعم الإخلاص والأمانة - كبابجي الشيف صبحي by Paula
    95 من المراجعات |  قبل 5 سنوات
    ده من اعلى اعلى اعلى محلات الاكل اللى ممكن تغرق فيها من الاكل .. و حط خط تحت كلمة تغرق عشان فعلا مقصودة.. الاكل هناك هوايه .. مش مجرد انك عشان جعان .. بيتعمل بحرفة و ذكاء و كتييييير ... مطعم صبحى .. ملك السلطات و الطحينة واللحمة و الفراخ و الملوخية وسجق ريش كباب و كل ما تشتهيه عيناك .. القعدة هناك فى الهواء الطلق .. هتلاقى حد بيرحب بيك من وانت على اول الشارع .. و ريحة الاكل هتاخدك من وانت ف العربية .. الاسعار هناك مناسبة و معقولة جدا .. يعنى هتدفع بالكتير 80ج للفرد .. و هتغرق ف الاكل .. و جرب انت ..
  • Review مطعم الإخلاص والأمانة - كبابجي الشيف صبحي by Alaa
    122 من المراجعات |  قبل 5 سنوات
    انا وزمايلى شبه بنروح كل أسبوع هناك الاكل بتحسه مختلف فى الطعم المنيو بتلاقى فيه أجمد أكل ملوخية و محاشى و مشاوى كبده وسجق كله بيبقى طازة المطعم بيزوره ناس كتير من مستويات مختلفة ومشاهير لجوده الخدمة هناك اتمنى انكوا تزروه
Next