عبد الرحيم قويدر
عبد الرحيم قويدر
عبد الرحيم قويدر

القاهرة - وسط البلد

42 ش طلعت حرب - امام سينما مترو
احصل على التوجيهات

مراجعات (3)

  • Review عبد الرحيم قويدر by Paula
    95 من المراجعات |  قبل 5 سنوات
    يخرابى على الايس كريم صيف و شتا .. و خصوصا من عند قويدر .. الناس بتتخانق علية من اول ش طلعت حرب .. منظر المحل و الزحمة اللى موجودة تقول انه بيوزع لحمة ببلاش .. قويدر بيعمل كل انواع الحلويات .. لكنى بحب اكل من عندة الايس كريم .. ليمون فانليا شيكولاتة فستق .. مانجة فراولة .. لحد اما تزهق .. الاتنين بولة ب 6ج و فى علبة و بسكويت .. زى م انت عايز .. انا بس نفسى يبقى فى طريقة اكتر نظام من كدة ف طريقة البيع .. من صاحب المحل و من الناس اللى بتشترى .. لان الموضوع مش صعب لدرجة انك ممكن تفضل واقف 15دقيقة عشان تشترى ايس كريم ..! المحل تحفة و انا بحبة جدا .. بس لو يفتكس طريقة انه يخدم الجماهير دى بطريقة شيك و سريعة .. اعتقد انه هيبقى رقم 1 بدون منازع ...
  • Review عبد الرحيم قويدر by Laila Mamilly
    130 من المراجعات |  قبل 5 سنوات
    قويدر يعني نرجع كده عشرين سنة لورا .. خصوصا فرع وسط البلد اللي رغم الحداثة في باقي الفروع الا انه محافظ على شكله القديم ، بتدخل المحل هتلاقي قدامك انواع الحلويات الشرقية و المعجنات الشهية و الشوكولاتات و البسكوت و الكوكيز .. لكن أهم حاجة بلا منافس قويدر بيقدمها و خصوصا الايام الحارة دي هي الايس كريم حيث انه مميز جدا بنكهاته المختلفة ابتداءا من الفواكه زي المانجا و اليوستفندي (منجا مغشوشة) زي مابيحبوا هناك يسموها ! لحد بقا الشوكولا و الموكا اللي بطعم النسكافيه و الفستق الرهيبة جدا و التيشز كيك و البندق الوهميين جدا .. الكاسة الصغيرة عنده 2 بولة و السعر 6 جنيه في وسط البلد اما الفروع التانية بيغلي عن كده شوية .. لكن قويدر بالنسبالي حاجة اساسية في الصيف و منقذة ليا لما بكون في وسط البلد
  • Review عبد الرحيم قويدر by Nesma
    3 من المراجعات |  قبل 5 سنوات
    طبعا كلنا عارفين ان مصر فيها كتير من محلات الأيس كريم منها محلات عبد الرحيم قويدر ، الايس كريم بتاعه عالمی و بالذات الشيز كيك، طعمه هايل، معه نكهات المانجة والفراولة وساعات بيكون قطع من الفواكة زي توت، عشان تستمتع اكتر .
Next