فايكنج

فايكنج 70 شارع عمر بن الخطاب امتداد شارع الميرغنى - خلف التوحيد والنور, القاهرة مدينة الرحاب
4 131 (نصيحتان)
129 يعجبهم
المعلومات الأساسية
الفئة عالمي
المنطقة مدينة الرحاب
العنوان 70 شارع عمر بن الخطاب امتداد شارع الميرغنى - خلف التوحيد والنور
رقم الهاتف 16018... شاهد الرقم

نصائح الناس اللي جرّبوا فايكنج

إحكيلنا إذا جربته
  •   (جيد جداً)
    قبل عامين

    nice service but the food was ok not that good

    nice service but the food was ok not that good

    فايكنج

  •   (جيد جداً)
    قبل عامين

    مكان شيك وديكور حلو أوي ومُريح للعين ومزيكا هادية ومريحة للأعصاب كل دا هتلاقيه في فايكنج الموجدو في الفود كورت الجديدة في منطقة الرحاب غير القعدة ال جوة هتلاقي برة قعدة أحلى كمان ودي تخليها بقا في يوم الصبح يكون الجو فيه حلو وتاخد الفطار بتاعك هناك هتلاقي في المنيو مجموعة أكلات حلوة أوي وجديدة وتكسر رويتين الفطار بتاع كل يوم أنصحك تجرب الأسبانش اوميليت ودا بيتقدم معاه بطاطس مقلية وصلصة المسطردة والعسل مع التوست ودي سعرها 35 جنيه وطبعا متنساش تاخد الشاي مع الفطار ومنصحكش ابدا بالقهوة التركي عنده مش حلوة خالص... لو حابب تتغدى بقا في فايكنج هتلاقي منيو متنوع جدا وفي كل حاجة ممكن تتخيلها قبل ما ندخل على الأكل أحب اقول أن شكل المنيو نفسه حلو جدا دا غير مجموعة الصور الموجودة في المنيو كل طبق في المنيو متصور ومكتبوب اسمه تحت الصورة والستايلنج بتاع الصور حلو جداا.. نرجع بقى للأكل نفسه مش هتلاقي نفسك عارف كل الاسماء المكتوبة في المنيو بس الحلو انه شارحلك بالتفاصيل الأكلة دي عبارة عن ايه بالظبط تحت كل أسم .. الطبق ال انا طلبتو كان أسمة Hobo chicken ودا عبارة عن صدور فراخ مشوية وعليها صلصة كريمة وبيف بيكوون وزيتون شرائح وبيتقدم معاها كرات بطاطس مقلية وخضار سوتيه. كل حاجة طعمها حلو أوي وأحلى حاجة عجبتني أن الخضار السوتيه محافظ على شكله ومش مهري خالص وليه طعم مميز عن كل السوتيه ال بناكله في مطاعم تانية .. لو حابب تاخد ستيك فأنت هتلاقي عندك اختيارات طرق التسوية وهتلاقي حاطط صور لألوان اللحم بعد التسوية . لو أخدن ستيك لازم تاخد معاه رز بسمتي بلاش بطاطس لأن الرز طعمه فظيييييع ومش هتعرف تاكله في حتة تانية بالطعم دا ..الأطباق الرئيسية في فاينكنج كلها حلوة بس لو أنت من الأشخاص ال متحبش كمية صوصات كتير في الأكل أو عايزة تاكل حاجة خفيفة فأبعد عن الأطباق الرئيسية وخليك في البيتزا أو السندوتشات هتلاقي فيها تشكيلة كبيرة جدا وأسعارها معقولة بس بعد الغدا لازم بردو تطلع تكمل القعدة برة....

    مكان شيك وديكور حلو أوي ومُريح للعين ومزيكا هادية ومريحة للأعصاب كل دا هتلاقيه في فايكنج الموجدو في الفود كورت الجديدة في منطقة الرحاب غير القعدة ال جوة هتلاقي برة قعدة أحلى كمان ودي تخليها بقا في يوم الصبح يكون الجو فيه حلو وتاخد الفطار بتاعك هناك هتلاقي في المنيو مجموعة أكلات حلوة أوي وجديدة وتكسر رويتين الفطار بتاع كل يوم أنصحك تجرب الأسبانش اوميليت ودا بيتقدم معاه بطاطس مقلية وصلصة المسطردة والعسل مع التوست ودي سعرها 35 جنيه وطبعا متنساش تاخد الشاي مع الفطار ومنصحكش ابدا بالقهوة التركي عنده مش حلوة خالص... لو حابب تتغدى بقا في فايكنج هتلاقي منيو متنوع جدا وفي كل حاجة ممكن تتخيلها قبل ما ندخل على الأكل أحب اقول أن شكل المنيو نفسه حلو جدا دا غير مجموعة الصور الموجودة في المنيو كل طبق في المنيو متصور ومكتبوب اسمه تحت الصورة والستايلنج بتاع الصور حلو جداا.. نرجع بقى للأكل نفسه مش هتلاقي نفسك عارف كل الاسماء المكتوبة في المنيو بس الحلو انه شارحلك بالتفاصيل الأكلة دي عبارة عن ايه بالظبط تحت كل أسم .. الطبق ال انا طلبتو كان أسمة Hobo chicken ودا عبارة عن صدور فراخ مشوية وعليها صلصة كريمة وبيف بيكوون وزيتون شرائح وبيتقدم معاها كرات بطاطس مقلية وخضار سوتيه. كل حاجة طعمها حلو أوي وأحلى حاجة عجبتني أن الخضار السوتيه محافظ على شكله ومش مهري خالص وليه طعم مميز عن كل السوتيه ال بناكله في مطاعم تانية .. لو حابب تاخد ستيك فأنت هتلاقي عندك اختيارات طرق التسوية وهتلاقي حاطط صور لألوان اللحم بعد التسوية . لو أخدن ستيك لازم تاخد معاه رز بسمتي بلاش بطاطس لأن الرز طعمه فظيييييع ومش هتعرف تاكله في حتة تانية بالطعم دا ..الأطباق الرئيسية في فاينكنج كلها حلوة بس لو أنت من الأشخاص ال متحبش كمية صوصات كتير في الأكل أو عايزة تاكل حاجة خفيفة فأبعد عن الأطباق الرئيسية وخليك في البيتزا أو السندوتشات هتلاقي فيها تشكيلة كبيرة جدا وأسعارها معقولة بس بعد الغدا لازم بردو تطلع تكمل القعدة برة....

    فايكنج

هل جربت هذا المكان؟

أكتب نصيحة
حمّل تطبيقات جيران على هاتفك المتنقل الان!