مطعم الدهان

مطعم الدهان ش المشهد الحسينى, القاهرة خان الخليلي
4 56 (نصيحة واحدة )
55 يعجبهم
المعلومات الأساسية
الفئة شرقي
المنطقة خان الخليلي
العنوان ش المشهد الحسينى
رقم الهاتف 45291... شاهد الرقم

نصائح الناس اللي جرّبوا مطعم الدهان

إحكيلنا إذا جربته
  •   (جيد جداً)
    قبل عامين

    الدهان من مطاعم المشاوى المشهورة فى القاهرة,, المطعم من ضمن مطاعم تانية كتير أمام مسجد الحسين, كل محل قدامه ترابيزات, يعنى تقعد تاكل وقدامك مسجد الحسين واااو,, بس القعدة دى فيها عيوب كتير زى مثلا الويترز (معرفش المسمى الوظيفى بتاعهم بالظبط) اللى يتنافسوا مين فيهم هيقنعك تدخل مطعمه, احنا اختارنا نقعد فى الدهان,, وطلبنا كيلو كفتة وطبقين مومبار وسلطات, واستنينا واستنينا وفتحنا مواضيع وخلصت والاكل لسة مجاش!!, واخييرا الاوردر نزل الكفتة كانت ريحتها وشكلها مغرى, طعمها كان جويسى والتسوية بتاعتها مظبوطة ومكوناتها ممتزجة مع بعض وملحها مظبوط, كانت حلوة جدا, بس المومبار كان شبه بارد ومجلد كإنه بايت وحد قرر يسخنه وبعدين تراجع عن القرار ده!!, كمان طعمه مكنش حلو طعم دلع وكنت حاسة انى باكل شوية رز على شوية خلطة مش مومبار, وبرودته زودت ميوعته.

    بس الكفتة والسلطات كانوا حلوين جدا,,,كيلو الكفتة كان ب 150 جنيه وطبقين المومبار كان حجمه صغير ب 24 جنيه.

    المشكلة كانت فى القعدة, كان فى قطط كتير فى المكان وزهقتنا,, كمان مشهد الحسين بقى زحمة قوى,, اعتقد لو كنا روحنا الصبح بدرى او بالليل بعد 12 كان هيكون افضل,,,

    الدهان بيعمل كفتة حلو لازم تتجرب

    الدهان من مطاعم المشاوى المشهورة فى القاهرة,, المطعم من ضمن مطاعم تانية كتير أمام مسجد الحسين, كل محل قدامه ترابيزات, يعنى تقعد تاكل وقدامك مسجد الحسين واااو,, بس القعدة دى فيها عيوب كتير زى مثلا الويترز (معرفش المسمى الوظيفى بتاعهم بالظبط) اللى يتنافسوا مين فيهم هيقنعك تدخل مطعمه, احنا اختارنا نقعد فى الدهان,, وطلبنا كيلو كفتة وطبقين مومبار وسلطات, واستنينا واستنينا وفتحنا مواضيع وخلصت والاكل لسة مجاش!!, واخييرا الاوردر نزل الكفتة كانت ريحتها وشكلها مغرى, طعمها كان جويسى والتسوية بتاعتها مظبوطة ومكوناتها ممتزجة مع بعض وملحها مظبوط, كانت حلوة جدا, بس المومبار كان شبه بارد ومجلد كإنه بايت وحد قرر يسخنه وبعدين تراجع عن القرار ده!!, كمان طعمه مكنش حلو طعم دلع وكنت حاسة انى باكل شوية رز على شوية خلطة مش مومبار, وبرودته زودت ميوعته. بس الكفتة والسلطات كانوا حلوين جدا,,,كيلو الكفتة كان ب 150 جنيه وطبقين المومبار كان حجمه صغير ب 24 جنيه. المشكلة كانت فى القعدة, كان فى قطط كتير فى المكان وزهقتنا,, كمان مشهد الحسين بقى زحمة قوى,, اعتقد لو كنا روحنا الصبح بدرى او بالليل بعد 12 كان هيكون افضل,,, الدهان بيعمل كفتة حلو لازم تتجرب

    مطعم الدهان

هل جربت هذا المكان؟

أكتب نصيحة
حمّل تطبيقات جيران على هاتفك المتنقل الان!