Pottery Cafe

Pottery Cafe 14 - 9 Street, Cairo Maadi
4 3 (one review)
2 hearted
Information

Reviews by people who tried Pottery Cafe

Tell us if you tried it
  •   (Great)
    a year ago

    بوترى شارع 9 قريب من محطة مترو الثكنات فلو جاى بالمترو انزل الثكنات احسن مش المعادى, بوترى من الكافيهات الجميلة الحقيقة فى ديزاين بتاعه و الاكل كمان و الجو بتاعه حلو اوى.

    اولا هو فى اخر شارع 9 فى انت اهدى جزء فى الشارع, فيه جزء منه خارجى اوبن اير مش كبير بس معقول و جميل و انا بفضل اقعد بره, من جوا بقى واسع هتلاقى المكان الحيطان بتاعته كأنها من الحجر لونه اوف وايت على بيج كده و النجف مودرن خشب بنى وبيج شكله حلو جدا, القعدات فيه ترابيزات وكراسي عادية برضه خشب بنى واخد نفس ستايل المكان و فيه جوا كنب كبير ولونه شوكليت فى خشب بنى و كذا لوحة جمال موجودين.

    عملت هناك عيد ميلادى مرة و كان لطيف السيرفيس بتاعهم حلو جدا و شيك و بيساعدوك فى اللى انت عاوزة, و بيدخلوا التورتة وهما مشغلين اغنية عيد الميلاد و ووقفوا لحد ما طفينا الشمع و سقفوا و كانوا ودودين جدا, السيرفيس كان 50 جنيه احتمال دلوقتى يكون غلى شوية.

    بروح اكل هناك دايما مكرونة بالفراخ بالوايت صوص لانها اكلتى المفضلة بس مباكلهاش فى اى حتة و بوترى بيعملها حلو و الكابتشينو و الهوت شوكليت حلوين جدا, وطبعا شيشية بوترى حلوة جدا خصوصا الخوخ او البطيخ, بوترى بليل احلى من الصبح بالنسبالى, وبحب دابما اروحه فى الويك اند بيبقى لطيف و فيه ناس و المزيكا مش مزعجة خالص و طبعا لو فيه ماتش مهم بيبقى الموضوع مختلف.

    اسعار بوترى معقوله يعنى البينا وايت صوص بالفراخ هناك ب 45 و الهوت شوكليت ب 22.

    روح جرب بوترى المعادى قعدته جميلة جدا و مكان فعلا حلو و بوترى اصلا من الكافيهات المميزة

    بوترى شارع 9 قريب من محطة مترو الثكنات فلو جاى بالمترو انزل الثكنات احسن مش المعادى, بوترى من الكافيهات الجميلة الحقيقة فى ديزاين بتاعه و الاكل كمان و الجو بتاعه حلو اوى. اولا هو فى اخر شارع 9 فى انت اهدى جزء فى الشارع, فيه جزء منه خارجى اوبن اير مش كبير بس معقول و جميل و انا بفضل اقعد بره, من جوا بقى واسع هتلاقى المكان الحيطان بتاعته كأنها من الحجر لونه اوف وايت على بيج كده و النجف مودرن خشب بنى وبيج شكله حلو جدا, القعدات فيه ترابيزات وكراسي عادية برضه خشب بنى واخد نفس ستايل المكان و فيه جوا كنب كبير ولونه شوكليت فى خشب بنى و كذا لوحة جمال موجودين. عملت هناك عيد ميلادى مرة و كان لطيف السيرفيس بتاعهم حلو جدا و شيك و بيساعدوك فى اللى انت عاوزة, و بيدخلوا التورتة وهما مشغلين اغنية عيد الميلاد و ووقفوا لحد ما طفينا الشمع و سقفوا و كانوا ودودين جدا, السيرفيس كان 50 جنيه احتمال دلوقتى يكون غلى شوية. بروح اكل هناك دايما مكرونة بالفراخ بالوايت صوص لانها اكلتى المفضلة بس مباكلهاش فى اى حتة و بوترى بيعملها حلو و الكابتشينو و الهوت شوكليت حلوين جدا, وطبعا شيشية بوترى حلوة جدا خصوصا الخوخ او البطيخ, بوترى بليل احلى من الصبح بالنسبالى, وبحب دابما اروحه فى الويك اند بيبقى لطيف و فيه ناس و المزيكا مش مزعجة خالص و طبعا لو فيه ماتش مهم بيبقى الموضوع مختلف. اسعار بوترى معقوله يعنى البينا وايت صوص بالفراخ هناك ب 45 و الهوت شوكليت ب 22. روح جرب بوترى المعادى قعدته جميلة جدا و مكان فعلا حلو و بوترى اصلا من الكافيهات المميزة

    Pottery Cafe

Did you try this place?

Write a review